Ai Vola Vakaibalebale 31
31
Ai vakavuvuli i Limueli e nai valavala malua, 1-7; kei na loloma vei ira sa rarawa, 8, 9. Ai valavala ni watina alewa vinaka sara, 10-31.
1A VOSA i Limueli na tui, na parofisai ka vakavulica vua ko tinana.
2A cava, na luvequ? a cava, na luve i ketequ? ia a cava, na luvequ kaʼu a vosavavakini kina. 3Kakua ni ko solia na nomu kaukauwa vei ira na alewa, se na nomui valavala ki na ka era rusa kina na tui.
4I Limueli, sa sega ni kili kei ira na tui, sa sega ni kili kei ira na tui me gunu waini; sei ira na luve ni tui me gunu yaqona: 5de ra gunu, ka guilecava na vunau, ka kauta vakatani na lewa e na vukuna e dua sa vakararawataki. 6Solia na yaqona vua sa voleka ni mate, kei na waini vei ira sa bibi na lomadra. 7Me gunu ko koya, ka guilecava na nona dravudravua, ka tawa nanuma tale na nona rarawa.
8Mo vosa e na vukudra na galu, e na vukudra kece era sa lewai me mate: 9mo vosa mada, mo lewa vakadodonu, mo ia na tataro e na vukudra na malumalumu kei na dravudravua.
10O cei sa kunea rawa na alewa sa vinaka sara? ni sai yau levu kai yau lailai na rupi. 11Sa vakararavi sara vua na loma ni watina, ia nai toki ni valu sa sega kina ni yaga vua. 12Ena caka vinaka vua ka sega ni caka ca e na veisiga kecega sa bula kina ko koya. 13Sa qara na vutika ni sipi, kei na laino, a sa makututaka na cakacaka e na ligana. 14Sa vakana nodra waqa na tamata dauveivoli; sa kauta vakayawa mai na nona kakana. 15Sa sou o na sabogicaca, a sa solia na kedratou na nona lewe ni vale, kei na nodratoui tavi na nona vada. 16Sa nanuma na were, ka volia: ia e nai voli ni ligana sa tea na veivainivaini. 17Sa vauca na tolona e na kaukauwa, a sa gulevu na ligana. 18Sa kunea ni sa vinaka na nona vo voli: sa sega ni boko e na bogi na nona cina. 19Sa dodoka na ligana ki nai vakawiri ni wa-ni-sulu, a sa taura e na ligana nai tokatoka ni laino. 20Sa dodoka yani na ligana me soli ka vei ira sa rarawa; io, sa dodoka na ligana vei ira sa dravudravua. 21Sa sega ni rerevaka na uca-vulavula de tauci iratou na nona lewe ni vale: ni sa taqa-rua na nodratoui sulu kecega na nona lewe ni vale. 22Sa cakava nai tutuvi matavinaka me nona; sa matailalai ka karakarawa na nonai sulu. 23Sa kilai mai na matamata-ni-koro na watina, ni sa tiko vata kei ira na qase ni vanua. 24Sa cakava nai sulu matailalai, a sa volitaka; a sa vakauta nai vau ni sulu vua na dauveivoli. 25A kaukauwa kei na vakarokoroko na nonai sulu; ia ena reki ko koya e na gauna maimuri. 26Sa vosa vakavuku na gusuna; ia na vunau loloma sa lewa tiko e na yamena. 27Sa vakaraica na nodratoui valavala na nona lewe ni vale, ia na kakana i ni vucesa sa sega ni kania. 28Eratou tu cake na luvena, me vosavakalougatataki koya; a watina talega, a sa vosavinakataki koya, ka kaya, 29Era lewe vuqa na alewa erai valavala vinaka, ia ko iko, ko sa uasivi cake vei ira kecega. 30A ka lasu na saweka, ka tawa yaga na matavinaka: ia na alewa sa rerevaki Jiova, ena vakacaucautaki ko koya: 31solia vei koya na vua ni ligana; ia me vakacaucautaki ko koya mai na matamata-ni-koro e na vuku ni nona cakacaka.
Currently Selected:
Ai Vola Vakaibalebale 31: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
