Popular Bible Verses from A Nonai Vola Na Dauvunau 1

Share

ni sa levu na rarawa e na vuku levu: ia ko koya sa vakaikuritaka na vuku sa vakaikuritaka kei na rarawa.

A ka sa tiko eliu, sai koya ga ena tiko maimuri; kei na ka sa caka eliu, sai koya ga ena caka maimuri: a sa sega na ka vou e ruku ni siga.

Sa levu na oca e na ka kecega; sa dredre vua na tamata me tukuna: sa sega ni mamau ko mata ni sa rai ca, se cegu ko daliga ni sa rogoca.

Sa kaya na Dauvunau, Na ka wale sara! na ka wale sara! sa ka wale kecega! A cava kena yaga vua na tamata na nona cakacaka kecega sa cakava e ruku ni siga?

Au sa raica oti na cakacaka kecega sa caka e ruku ni siga; ka, raica, sa ka wale kecega kei na ocaoca wale.

Sa lako yani e dua nai tabatamata, a sa lako mai e dua tani tale nai tabatamata: ia ko vuravura sa tu ga ka tawa mudu.

Sa tawa nanumi na ka makawa; ia na ka sa na tubu emuri era na tawa nanuma kina ko ira era na muri sara.

Ia kaʼu a solia na yaloqu meʼu kila nai valavala vuku, kei nai valavala lialia ka sesewa: kaʼu sa kunea ni sa ocaoca wale na ka talega o qo