MENGKAAA 8
8
Pontondoni anu ko'opitu
8:1-5
1Ka tempono Ana Bimba atuu umungkahio pontondoni anu ko'opitu, ka boni-boniomo i suruga, bara'ura entonga langku tehineno. 2Ka ku'amba kumitao opitu mala'eka, anu mpentade i aro-Do Ue Ala, ka ndi ondae wineeako opitu tawuwua.
3 #
Pel. 30:1, 3; Amo. 9:1 Ka aiwaomo aasa mala'eka susua, ka ilako mentade umpeda meda pontunua pesomba saru aasa pontunua dupa wulaa. Ka ndi onae wineeako hadio dupa ka ipesombaakono meronga saru pekakaido luwuno mia mempori a wawo meda pontunua pesomba wulaa i arono kadera poparentaa atuu. 4Ka mewuatakoomo ahuno dupa meronga saru pekakaido mia mempori atuu inso a ngkaeno mala'eka atuu i aro-Do Ue Ala. 5#Pel. 19:16; Ima. 16:12; Yeh. 10:2; Meng. 11:19; 16:18 Ka i'amba mala'eka atuu umalao pontunua dupa atuu, umihiiakono api inso a meda pontunua pesomba, ka metadiakono i tolino. Ka lumpaomo unino rundu, itondao koliki ka leelu.
Opaa tawuwua anu amba-ambano
8:6-13
6Ka opitu mala'eka anu mpo'ini opitu tawuwua atuu mpepatinda ira mempuurio tawuwua.
7 #
Pel. 9:23-25; Yeh. 38:22 Ka i'amba mala'eka anu amba-ambano puurio tawuwuano ka gagiomo usa seru baku, ka api, mesalo rea; ka luwuno atuu pinetadiako i tolino; ka mo'aiomo asa ntia otolu inso a ntolino ka asa ntia otolu inso a luwuno keu ka mo'aiomo luwuno ewo molowulu.
8Ka i'amba mala'eka anu ko'orua puurio tawuwuano ka hinao aasa kana torukuno langkai, anu kolanga-langa api, pinetadiako a laro ntahi. Ka asa ntia otolu inso a ntahi atuu gagi rea, 9ka memate iramo asa ntia otolu inso a luwuno anu tuwu anu hinao penaano a laro ntahi ka masolaomo asa ntia otolu inso a luwuno kapala.
10 #
Yes. 14:12
Ka i'amba mala'eka anu ko'otolu puurio tawuwuano ka tedontaomo inso i langi aasa anano wula langkai, kolanga-langa kana pansona, ka idunsio asa ntia otolu inso a luwuno korono ka luwuno mata uwoi. 11#Yer. 9:15 Neeno anano wula atuu onaemo Apisintusi. Ka asa ntia otolu inso a luwuno uwoi gagi apisintusi, ka hadio mia memate hangano uwoi atuu, hangano gagiomo mopa'i.
12 #
Yes. 13:10; Yeh. 32:7; Yoe. 2:10, 31; 3:15 Ka i'amba mala'eka anu ko'opaa puurio tawuwuano ka i'aluo asa ntia otulu inso a mata'oleo ka asa ntia otolu inso a wula ka asa ntia otolu inso a luwuno anano wula, ranta asa ntia otolu inso ndi onae gagi wongi-wongi ka asa ntia otolu inso a meene nahi mewine ka kanandio koa mbo'u wongi.
13Ka ku'amba kumitao: kurongeo aasa manu-manu singko menee i tonga-tongano langi ka mepau saru suara meroku, ”Masola, masola, memasola iramo anu mpo'ia i wawontolino hangano unino tawuwua ko'otoluno mala'eka susua, anu da ta puurio tawuwuano.”
Currently Selected:
MENGKAAA 8: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
