MENGKAAA 9
9
Tawuwua anu ko'olima
9:1-12
1Ka i'amba mala'eka anu ko'olima puurio tawuwuano, ka kukitao aasa anano wula anu tedonta inso i langi tii i wawontolino, ka ndi onae wineeako kunsino bolo wingke matea. 2#Teg. 19:28 Ka i'ungkahiomo pewowano bolo wingke matea atuu, ka i'amba mewuatakoomo ahu inso a bolo atuu kana ahuno awu langkai, ka mata'oleo ka laromeene gagi wongi-wongiako ahuno bolo atuu. 3#Pel. 10:12-15 Ka inso a ahu atuu mpeluluarako iramo kosume i wawontolino ka ndi ondae pinoweeako pabawa mengkena kana pabawado kasi-kasi molea i tolino. 4#Yeh. 9:4 Ka me'inoliwi ira, ka si domensolangi ira ewo i tolino ke luwuno pinopaho ke maupo luwuno keu, tendeano butu mia anu nahina tondoni-Do Ue Ala i ra'ino. 5Ka dome'ineheako komba ka dompopepate mia, tendeano butu ka dobobarasai ira olima wula tehineno, ka pobobarasai atuu kana pobobarasaino kasi-kasi molea, ba ipongkasi mia. 6#Ayb. 3:21; Yer. 8:3 Ka i tempo atuu mia ira mpo'ungke matea, sine nahi ira mehaweo, ka mingki ira memate, sine ipolaiako ira matea.
7 #
Yoe. 2:4
Ka rupado kosume atuu mengkena kana ngara anu pinatinda tiano peteaa, ka a wawo uludo hinao aasa anu kana ramba-ramba ulu wula, ka rupado mengkena kana rupano mia, 8#Yoe. 1:6 ka wuudo mengkena kana wuuno beine ka ngisido mengkena kana ngisino singa, 9#Yoe. 2:5 ka radado mengkena kana lemba labu, ka unino panido kana unido kareta anu rinendeno hadio ngara, anu kontongaado mpelulu melako a mpo'iangano peteaa. 10Ka ikido mengkena kana kasi-kasi molea ka hinao senguno, ka a laro ikido atuu hinao pabawado pompokomahakido mia, olima wula tehineno. 11Ka mokole anu parenta ira onaemo mala'ekano wingke matea; neeno a mpau Ibarani onaemo Abadoni ka a mpau Yunani onaemo Apolioni. 12Masolaa anu amba-ambano telaloomo. Kanandio-andio ta metonda orua mbo'u masolaa.
Tawuwua anu ko'onoo
9:13-21
13 #
Pel. 30:1-3
Ka i'amba mala'eka anu ko'onoo puurio tawuwuano, ka kurongeo aasa suara meluarako inso a opaa tanduno meda pontunua pesomba wulaa anu i aro-Do Ue Ala, 14ka motaeakono mala'eka anu ko'onoo atuu, ”Potola iramo opaa mala'eka anu pinongu umpeda korono langkai Eparata atuu.” 15Ka ipotola iramo opaa mala'eka anu pinatindaomo a langku ka oleo, wula ka ta'u ka dompepate ira asa ntia otolu inso a luwuno mia. 16Ka porokodo sorodadu atuu onaemo rua etu juta sorodadu mpengara; kurongeo porokodo. 17Ka kanandiomo kukitao a laro pongkita andio luwuno ngara ka mia anu mpesawiki ira; mpelemba labu ira, motaha kana api ka molowulu ka mongkuni walira sorano; Uludo ngara atuudo mengkena kana uluno singa, ka inso a ngangado mpeluarako api, ka ahu ka walira. 18Hangano otolu marasaia andio mempinepate asa ntia otolu inso a luwuno mia, onaemo hangano api, ka ahu ka walira, anu meluarako inso a ngangado. 19Hangano pabawado ngara atuudo mo'ia a laro ngangado ka a laro ikido. Hangano ikido mengkena kana ule, hinao uludo ka saru uludo atuu domposolangiako.
20 #
Pud. 115:4-7; 135:15-17; Dan. 5:23 Sine mia mehano, anu nahi mateako marasaia atuu, nahi dontepidi koa mbo'u inso a wineweuno kaedo: nahi dompenaa-naa mpesombai ira onitu nsa'o ka luwuno lahumoa inso a wulaa ka salaka, inso a mala, watu ka keu anu nahi pokompongkita ke moronge ke melempa, 21ka nahi dontepidi inso a pompepatea, sihiri, pebelesua ka ponakoa.
Currently Selected:
MENGKAAA 9: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
