Popular Bible Verses from MENGKAAA 8

Share

Ka tempono Ana Bimba atuu umungkahio pontondoni anu ko'opitu, ka boni-boniomo i suruga, bara'ura entonga langku tehineno.

Ka i'amba mala'eka anu amba-ambano puurio tawuwuano ka gagiomo usa seru baku, ka api, mesalo rea; ka luwuno atuu pinetadiako i tolino; ka mo'aiomo asa ntia otolu inso a ntolino ka asa ntia otolu inso a luwuno keu ka mo'aiomo luwuno ewo molowulu.

Ka ku'amba kumitao: kurongeo aasa manu-manu singko menee i tonga-tongano langi ka mepau saru suara meroku, ”Masola, masola, memasola iramo anu mpo'ia i wawontolino hangano unino tawuwua ko'otoluno mala'eka susua, anu da ta puurio tawuwuano.”

Ka i'amba mala'eka anu ko'orua puurio tawuwuano ka hinao aasa kana torukuno langkai, anu kolanga-langa api, pinetadiako a laro ntahi. Ka asa ntia otolu inso a ntahi atuu gagi rea

Ka i'amba mala'eka anu ko'otolu puurio tawuwuano ka tedontaomo inso i langi aasa anano wula langkai, kolanga-langa kana pansona, ka idunsio asa ntia otolu inso a luwuno korono ka luwuno mata uwoi. Neeno anano wula atuu onaemo Apisintusi. Ka asa ntia otolu inso a luwuno uwoi gagi apisintusi, ka hadio mia memate hangano uwoi atuu, hangano gagiomo mopa'i.

Ka i'amba mala'eka anu ko'opaa puurio tawuwuano ka i'aluo asa ntia otulu inso a mata'oleo ka asa ntia otolu inso a wula ka asa ntia otolu inso a luwuno anano wula, ranta asa ntia otolu inso ndi onae gagi wongi-wongi ka asa ntia otolu inso a meene nahi mewine ka kanandio koa mbo'u wongi.