Kamhinhin 13
13
1An iemahm iabakaru ker remier le tehe met, tanebat katilum katilum mene tenkapa katilum mekiu, an le tanebat min kahwahwau katilum katilum, an le tenkapa min netige nakartetetan le Wuhgin.
2An iabakaru ierem iemahm in rolkoma lepard, an nelikin rolkoma taha ber, an hnulin rolkoma hnuli laion. An drakon ramofen kam in nesanenan tahan mene thron tahan mene nesanenan asul.
3An (iemahm) tenkapa ker rolkoma kahmo le nemisan, an hnoan le nemisan tahan kenol ut, an ten uk petum nanumun ilar neterakamuka to iabakaru,
4An netakameihwak kam drakon mero in ka ramofen nesanenan kam iakakaru, an netakameihwak kam iabakaru mamani, Pehe rolkoma iabakaru, an pehe resanen moma terol neluakenan kam in?
5An kamofen kam in hnulin rameni narepuk mene nakartetan min, an nesanenan kenofen kam in moma terol nar le mouk 42.
6An neteretita hnulin to nakartetan min kam Wuhgin, moma terakar tat kam netigen mene nimwa ahwak tahan, nerem kamairik le neai.
7An kenofen kam in moma terol neluakenan kam neremim ut mameirai ita ilar, an kamofen kam in nesanenan le nahuto min mene neremim min mene namin min mene netig min.
8An nerem kamairik le nemapten tapeihwak petum kam in, ierem min kamesraian netigen ilar le nawowa te nemihwan te Lam, ierem kinhwapnin le nerwowuna ten.
9Takama ieremim ker ramos nepagtelegen pas rerou.
10Takama ieremim ker taha nikinmihwan, terepuan to nikinmihwan; takama ieremim ker terhwapnin til le nau apahm, takakeikei kuhwapnin in le nau apahm. In uk narikhmahmean mene nuparhienan te neremim ut.
11An iemahm iabakaru ker mun remier le nemapten met, an tanebat kiu rolkoma lam, an ramakar kama drakon.
12An ramol nesanenan petum taha iabakaru ierem ramaupan le nemrin. An ramol ten uk mene nerem kamairik lan moma takaihwak kam iabakaru ierem ramaupan, ierem hnoan le nemisan tahan kenol ut.
13An ramol nimtatin asul min, moma terol mun nekam tersipe le neai matite le nemapten le nemri neremim.
14An rameuhiatan nerem kamairik le nemapten mero in ka le nimtatin min kenofen kam in moma terol le nemri iabakaru, mameni to nerem kamairik le nemapten moma takarol nanumunar to iabakaru ierem kahmo le nau apahm an remiuh.
15An kamofen kam in moma terofen nanumun kam nanumu iabakaru moma nanumu iabakaru terakar mamol moma nerem kasaihwakan kam nanumunar te iabakaru tafhwapnin ilar.
16An ramol neremim petum, nerem wasuas mene nerem asul, nerem le nauta asul mene navantat, nerem kamaivan am mene nerem kamarol atkokun nar, moma takarofen kam ilar nimtatin le nelimin matu tenilar wa le nupanakin ilar,
17Moma ieremim ker teresosan nemri nar mesauraian nar, mero in am ierem ramos nimtatin, netigen iabakaru wa nahwinan netigen.
18In uk nalbakauan; ierem ramos hninatinan, pas rahwin nahwinan iabakaru, mero in ka nahwinan te ieremim; an nahwinan tahan in 666.
Currently Selected:
Kamhinhin 13: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
