Kamhinhin 12
12
1An nimtatin asul kamahm le neai, beravin kameviu le mit, an mouk lahau le nelikin, an le tenkapa kahwahwau le mahau ktialum katlium mekiu;
2An ramsinen; an neterasak apahm mamahma, an ramerou nahmean le nahwean.
3An nimtatin ker mun kamahm le neai, an ahm ru, drakon asul reloulou, tenkapa katilum mekiu mene tanebat katilum katilum, an le tenkapa min kahwahwau katilum mekiu,
4An nepiken neteruipa nowanverin ierem rol kisil le mahau min le neai, an neterelakin ilar le nemapten. An drakon neteramail le nemri beravin iwaket to nahwean, moma takama teruaih in terkinita kova tahan.
5An neteruaih nerin, ieruman, ierem terepasig nahuto min le kasikin kamol le airon; an nerin kamosit to Wuhgin mene to throne tahan.
6An beravin neterakam muan leluan, iken ramos nihmawa Wuhgin reknamol ita, moma takaiugan in iken nian 1,260.
7An neluakenan netakol le neai, Maikel mene agelo min tahan (karier) mama takailuaken kam drakon. An drakon neterol neluakenan ilar agelo min tahan,
8An ilar kamesaisanenan, an nihmawa tenilar kamesahman mun le neai.
9An drakon asul netakalakhiau tagalua oas, ierem kameni netigen moma Diabolos mene Setan, ierem rameuhiatin petum ten, kamelakhiau in le nemapten, an agelo min tahan kamelakhiau in ilar min.
10An iemerou noian asul le neai rameni, Towe reknua nemihwan mene nesanenan mene niko taha Wuhgin tetar mene nesanenan te Kristo tahan, mero in ka ierem rametat pietar min kenelakhiau in, ierem rametat ilar le nemri Wuhgin tetar le nian mene lapin.
11An ilar kameirai ita in le nita Lam mene ke nakaran te nausitoan tenilar, an kamesarolkeikeian nemiwhan tenilar meroatis nemisan.
12Mero in ka le nar uk aigien, kamiar neai min mene nerem kamairik le ilar; awe to nemapten mene tehe, mero in ka iaremis reknatitepena to kamiar, le niehma asul, mero in ka rhinatin moma niahan tahan reknerparup.
13An drakon neterahm moma kenelakhiau in le nemapten, an neteramol mita beravin ka ierem ruaih iosevia.
14An kamofen kam beravin nikaukauin kiu taha kueria asul moma terivuk muan leluan le nihmawa tahan, iken kamaugan iken le nian mene nian min mene takeri nian to nemri tagalua.
15An tagalua neterawai le hnulin nu rolkoma iapiwan roatisig in beravin, moma terepaihatou in le iapiwan.
16An nemapten ramisitu le beravin, an nemapten neteroag mitum iapiwan drakon ramewai le hnulin.
17An drakon neterol niehma kam beravin, an neteruan moma terol neluakenan kam nererin min nevin, ierem min kamarol nowa min taha Wuhgin mamaros nousitoan taha Iesu.
18An neteramail le nemaklakel irhe.
Currently Selected:
Kamhinhin 12: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
