Kamhinhin 14
14
1An iemahm an ahm ru, Lam ramail le towar Saion, ilar neremim 144,000 ierem min kamaros netigen mene netige Remin kamrai le nupanakin ilar.
2An iemerou noian resipe le neai, rolkoma noia nu rapus, mene rolkoma kalualus asul, an noian ierem iemerou in rolkoma noia nerem le harp kamarol nabuk le harp min tenilar.
3An netakaini rolkoma nabuk vi le nemri thron mene le nemri nar miuh kuer mene elder min; an resolan moma ieremim ker resanen to hninatin an nabuk ka, mero ilar am neremim 144,000, nerem kamos nemrin ilar le nemapten.
4Ilar uk nerem kamesetakenan ilar le neberavin, mero in ka ilar nerem kamamaivan am. Ilar uk nerem kamairoupen Lam iken min ramavan iken; ilar uk kamos nemrin ilar le neki neremim, nowan aupan to Wuhgin mene Lam,
5An le hnulin ilar kasahman neiwean ker; tehwaga tat rika le ilar.
6An iemahm agelo ker mun ramivuk le neki neai, ramos nakarutan lilen moma terausito in kam nerem kamaiwata le nemapten mene to netig min mene nahuto min mene namin min mene neremim min.
7Mameni le nakarapahman, Arignin Wuhgin marofen nevitan kam in, mero in ka nian te nuhwapraian tahan reknua, an meihwak kam ierem ramol neai mene nemapten mene tehe mene nu aualual min.
8An ker mun agelo ierem rol kiu neteroatisig mameni, Reknam, reknam Babilon asul, ierem, ramol netig min kamaramnum wain te niehma te tehwaga tat tahan.
9An agelo ker mun ierem rol kisil neteroatisig le ilau mameni le nakarapahman, Takama ieremim ker terahwak kam iabakaru mene nanumun mamos nimtatin le nupanakin wa le nelimin,
10In mun terepamnum wain te niehma te Wuhgin ierem kamol inam inam le nevigenar te niehma tahan; an takapilikiamta in le nekam mene nies le nemri agelo ausim min mene le nemri Lam.
11An hnanekam le nalikiametean ilar rakamet le nowanu min, an namigan rika to ilar le nian mene lapin, nerem kameihwak kam iabakaru mene nanumun, mene ierem ramos nimtatin te netigen.
12In uk narikhmahmean te neremim ut, nerem kamarol nowa min taha Wuhgin mene nuparhienan taha Iesu.
13An iemerou noian resipe le neai mameni, Rai, Nerem keikei nerem takaremis le Ieremera towe mene. Nuparhien, Nanumun rameni, moma tepaimig le nalkutan min tenilar; mero in ka nolan min tenilar kamairoupen ilar min.
14An iemahm, an ahm ru, napua tuan, an le napuan ieremim ker ramowata rolkoma Neri Ieremim, ierem ramos le tenkapa kahwahwau kamol le kold, an le nelimin nau iko rasila.
15An agelo ker mun neterier le nimwa ahwak mameni le nakarapahman to ierem ramowata le napua, Halita nau iko taham merai, mero in ka nian te neraian reknua, mero in ka nemeruean te ten reknimer petum.
16An ierem ramowata le napua neterelakin nau iko tahan le nemapten, na nemptaen kamerai.
17An agelo ker mun neterier le nimwa ahwak ierem le neai, an in mun ramos nau iko rasila.
18An agelo ker mun neterier le nar kamhwasig lan, ierem ramos nesanenan to nekam, an netereni le nakarapahman to ierem ramos nau iko rasila mameni, Halita nau iko rasila taham, muhwafugen tuplupul min le vain le nemapten, mero in ka nowan rikenmatak aken.
19An agelo neterelakin nau iko tahan le nemapten, an neterhwafugen nowa vain le nemapten, neterahepen in le nar kamavit wain lan ierem ribor te niehma te Wuhgin.
20An nar kamavit wain lan kamavanavan lan ilua le nauanu, an nita neterier le nar kamavit wain lan meroatis taul le hnuli hors min meroatis ferlog 1,600.
Currently Selected:
Kamhinhin 14: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
