Popular Bible Verses from Kamhinhin 13

Share

In uk nalbakauan; ierem ramos hninatinan, pas rahwin nahwinan iabakaru, mero in ka nahwinan te ieremim; an nahwinan tahan in 666.

An nerem kamairik le nemapten tapeihwak petum kam in, ierem min kamesraian netigen ilar le nawowa te nemihwan te Lam, ierem kinhwapnin le nerwowuna ten.

An ramol neremim petum, nerem wasuas mene nerem asul, nerem le nauta asul mene navantat, nerem kamaivan am mene nerem kamarol atkokun nar, moma takarofen kam ilar nimtatin le nelimin matu tenilar wa le nupanakin ilar, Moma ieremim ker teresosan nemri nar mesauraian nar, mero in am ierem ramos nimtatin, netigen iabakaru wa nahwinan netigen.

Takama ieremim ker taha nikinmihwan, terepuan to nikinmihwan; takama ieremim ker terhwapnin til le nau apahm, takakeikei kuhwapnin in le nau apahm. In uk narikhmahmean mene nuparhienan te neremim ut.

An iemahm iabakaru ker remier le tehe met, tanebat katilum katilum mene tenkapa katilum mekiu, an le tanebat min kahwahwau katilum katilum, an le tenkapa min netige nakartetetan le Wuhgin.

An kenofen kam in moma terol neluakenan kam neremim ut mameirai ita ilar, an kamofen kam in nesanenan le nahuto min mene neremim min mene namin min mene netig min.

An rameuhiatan nerem kamairik le nemapten mero in ka le nimtatin min kenofen kam in moma terol le nemri iabakaru, mameni to nerem kamairik le nemapten moma takarol nanumunar to iabakaru ierem kahmo le nau apahm an remiuh. An kamofen kam in moma terofen nanumun kam nanumu iabakaru moma nanumu iabakaru terakar mamol moma nerem kasaihwakan kam nanumunar te iabakaru tafhwapnin ilar.

An iabakaru ierem iemahm in rolkoma lepard, an nelikin rolkoma taha ber, an hnulin rolkoma hnuli laion. An drakon ramofen kam in nesanenan tahan mene thron tahan mene nesanenan asul.

An kamofen kam in hnulin rameni narepuk mene nakartetan min, an nesanenan kenofen kam in moma terol nar le mouk 42.

An (iemahm) tenkapa ker rolkoma kahmo le nemisan, an hnoan le nemisan tahan kenol ut, an ten uk petum nanumun ilar neterakamuka to iabakaru

An iemahm iabakaru ker mun remier le nemapten met, an tanebat kiu rolkoma lam, an ramakar kama drakon. An ramol nesanenan petum taha iabakaru ierem ramaupan le nemrin. An ramol ten uk mene nerem kamairik lan moma takaihwak kam iabakaru ierem ramaupan, ierem hnoan le nemisan tahan kenol ut.