1 Jon 4
4
1Nerem keikei, tenesanian nuparhienan le nanumun min, mero ailkalik to nanumun min mama taha Wuhgin, mero in ka profeta aiwa ribor kenarier le ten uk.
2Le nar uk nakarhinatin Nanumun te Wuhgin; nanumun ierem tereni apu Iesu Kristo moma reknua le nubalakin, in taha Wuhgin.
3An nanumun ierem tereseniapuan Iesu, resolan moma in taha Wuhgin; an in uk nanumun te tikimer te Kristo, ierem nemairou mama terua, an towe mene in ramarik le ten uk.
4Kamiar taha Wuhgin, nowasuas min, an nekneirai ita ilar, mero in ka ierem le kamiar in iribor le ierem le ten uk.
5Ilar taha ten uk; to nar uk ilar kameikar apni ten uk, an ten uk rameteleg in ilar.
6Katar taha Wuhgin; ierem rhinatin Wuhgin rameteleg in katar; ierem resolan moma taha Wuhgin resetelegan in katar. Le nar uk takarhinatin nanumun te nuparhienan mene nanumun te neiwean.
7Nerem keikei, pas karolkeikei katar min, mero in ka nolkeikeian in hakamsipe le Wuhgin, an ierem rolkeikei in kavaih le Wuhgin an rhinatin Wuhgin.
8Ierem resolkeikeian in reshinatinan Wuhgin; mero in ka Wuhgin in nolkeikeian.
9Le nar uk nolkeikeian te Wuhgin kamhinhin le katar, moma Wuhgin rehmalipa Nerin ierem nowan karena am le ten uk moma katar teparmiuh lan.
10Le nar uk nolkeikeian, resolan moma katar kamarolkeikei Wuhgin, mero moma in ramolkeikei katar hmalipa Nerin moma tapol in nuhwasigenan to tehwaga tat tetar.
11Nerem keikei, takama Wuhgin ramolkeikei mok lan katar, katar mun takaikeikei marolkeikei katar min.
12Resolan moma ieremim ker reknahm Wuhgin le nian ker. Takama takarolkeikei katar min, Wuhgin ramarik le katar, an nolkeikeian tahan kenolita le katar.
13Le nar uk takarhinatin mama katar kamairik lan, an in le katar mero in ka reknofa nanumun kam katar.
14An kamar iaknaihm mamaiusito in mama Remitar rehmalipa Nerin moma tapol in ierem teros miuh ten uk.
15Ierem tereni apu Iesu Kristo moma in Neri Wuhgin, Wuhgin ramarik lan, an in le Wuhgin.
16An katar karhinatin meknani nuparhienan le nolkeikeian ierem Wuhgin reknos le katar. Wuhgin in nolkeikeian, an ierem ramarik le nolkeikeian in ramarik le Wuhgin an Wuhgin ramarik lan.
17Le nar uk nolkeikeian kenolita le katar, moma tepatigha le nian te nuhwapraian, mero in ka rolkoma in ena, rol mok lan katar mun le ten uk.
18Naginan rika le nolkeikeian, mero nolkeikeian ierem kenolita rahmaliatou naginan; mero in ka naginan ramos nalipunan; an ierem rakamagen kasolitean le nolkeikeian.
19Katar karolkeikei, mero in ka in ramaupan molkeikei katar.
20Takama ieremim ker tereni moma Io iakolkeikei Wuhgin, an ramakin pian, in ieiwa; mero in ka ierem resolkeikeian pian ierem ramahm, riakis ton moma terolkeikei Wuhgin ierem in resahman.
21An iemaros nowok ton moma ierem rolkeikei Wuhgin terolkeikei mun pian.
Currently Selected:
1 Jon 4: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
