Popular Bible Verses from 1 Jon 4

Share

Naginan rika le nolkeikeian, mero nolkeikeian ierem kenolita rahmaliatou naginan; mero in ka naginan ramos nalipunan; an ierem rakamagen kasolitean le nolkeikeian.

Kamiar taha Wuhgin, nowasuas min, an nekneirai ita ilar, mero in ka ierem le kamiar in iribor le ierem le ten uk.

Katar karolkeikei, mero in ka in ramaupan molkeikei katar.

Nerem keikei, pas karolkeikei katar min, mero in ka nolkeikeian in hakamsipe le Wuhgin, an ierem rolkeikei in kavaih le Wuhgin an rhinatin Wuhgin.

Ierem resolkeikeian in reshinatinan Wuhgin; mero in ka Wuhgin in nolkeikeian.

Le nar uk nolkeikeian, resolan moma katar kamarolkeikei Wuhgin, mero moma in ramolkeikei katar hmalipa Nerin moma tapol in nuhwasigenan to tehwaga tat tetar.

Nerem keikei, takama Wuhgin ramolkeikei mok lan katar, katar mun takaikeikei marolkeikei katar min.

Le nar uk nolkeikeian te Wuhgin kamhinhin le katar, moma Wuhgin rehmalipa Nerin ierem nowan karena am le ten uk moma katar teparmiuh lan.

Takama ieremim ker tereni moma Io iakolkeikei Wuhgin, an ramakin pian, in ieiwa; mero in ka ierem resolkeikeian pian ierem ramahm, riakis ton moma terolkeikei Wuhgin ierem in resahman.

Ierem tereni apu Iesu Kristo moma in Neri Wuhgin, Wuhgin ramarik lan, an in le Wuhgin.

An iemaros nowok ton moma ierem rolkeikei Wuhgin terolkeikei mun pian.

Nerem keikei, tenesanian nuparhienan le nanumun min, mero ailkalik to nanumun min mama taha Wuhgin, mero in ka profeta aiwa ribor kenarier le ten uk. Le nar uk nakarhinatin Nanumun te Wuhgin; nanumun ierem tereni apu Iesu Kristo moma reknua le nubalakin, in taha Wuhgin.

An nanumun ierem tereseniapuan Iesu, resolan moma in taha Wuhgin; an in uk nanumun te tikimer te Kristo, ierem nemairou mama terua, an towe mene in ramarik le ten uk.