1 Jon 3
3
1Aihm nolkeikeinan etol Remitar reknofa kam katar, moma tefhin netigetar kama nereri Wuhgin; an katar parhien. To nar uk ten uk reshinatinan katar, mero in ka remeshinatinan in.
2Nerem keikei, towe mene katar nereri Wuhgin, an kashinhinan towe mene moma teparol kama neta. Katar takarhinatin mama takama tukhinhin in tepatikita am in, mero in ka tepaihm in kama in ena.
3An ierem reknos natigetean uk le nekin, terhapel atu in rolkoma in ravit am.
4Ierem terol tehwaga tat reknol mun napasan nowa, an tehwaga tat in napasan nowa.
5An nakarhinatin mama in kamhinhin moma terosita tehwaga tat, an tehwaga tat rika lan.
6Ierem ramarik lan resolan tehwaga tat. Ierem terol tehwaga tat ramesahman in meshinatinan.
7Nowasuas min, pas ieremim ker reseuhiatinan kamiar; ierem terol tehwaga ut, in ieremim matu, rolkoma in ramatu.
8Ierem terol tehwaga tat, in taha Iaremis, mero in ka Iaremis ramol tehwaga tat le nerwowunan. Le nar uk Neri Wuhgin kamhinhin moma teretaken nolan min te Iaremis.
9Ierem kavaih le Wuhgin resolan tehwaga tat; mero in ka wiker tahan ramarik lan, an riakis ton moma terol tehwaga tat; mero in ka kavaih le Wuhgin.
10Le nar uk kamhinhin nereri Wuhgin, mene ierem resolkeikeian pian.
11Mero in ka in uk nausitoan kamiar nemairou le nerwowunan, mama takarolkeikei katar min.
12Resolan kama Ken in taha ieremitat an ramhwapnin pian. An retol ramhwapnin in? Mero in ka nolan min tahan remtat, mero taha pian ramematu.
13Nanumamiar teresikean ton, piak min, takama ten uk ramakin kamiar.
14Katar karhinatin mama kenarier le nemisan meknarua le nemihwan, mero in ka karolkeikei pietar min. Ierem resolkeikeian ramarik le nemisan.
15Ierem ramakin pian, in ierem ramhwapnin til, an nakarhinatin mama ierem ramhwapnin til resosan nemihwan lilen rarik lan.
16Le nar uk takarhinatin nolkeikeian, mero in ka in ramehlau nemihwan tahan to katar; an katar takaikeikei, meihlau nemihwan tetar to pietar min.
17Ierem ramos bak bak le tenuk mahm pian resosan nar mamol nekin ramiakis ton, nolkeikeian te Wuhgin teretua marik lan?
18Nowasuas min, pas kasarolkeikeian le nakaran wa le namitar, mero le nolan mene le nuparhienan.
19Le nar uk teparhinatin, an tepaikeikei atu kam nekitar le nemrin.
20Takama nekitar teretat katar; mero in ka Wuhgin iribor le nekitar, an rhinatin naremnar min.
21Nerem keikei, takama nekitar teresetetan katar, takaros netighean to Wuhgin.
22An nar takaihrapkin teparos ton, mero in ka kamarol nowa min tahan, mamarol nar min in rolkeikei.
23An in uk nowa tahan, moma takani nuparhienan le netige Nerin Iesu Kristo, marolkeikei katar min, rolkoma in reknofa nowa kam katar.
24An ierem terol nowa tahan, in ramarik lan, an in mun lan; an le nar uk takarhinatin mama in ramarik le katar, le nanumun ierem in reknofa kam katar.
Currently Selected:
1 Jon 3: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
