1 Jon 5
5
1Ierem tereni nuparhienan le Iesu moma in Kristo in kavaih le Wuhgin, an ierem rolkeikei ierem remles in rolkeikei mun ierem kavaih lan.
2Le nar uk takarhinatin mama karolkeikei nereri Wuhgin, takama takarolkeikei Wuhgin mamarol nowa min tahan.
3Mero in ka inuk nolkeikeian taha Wuhgin, moma takarol nowa min tahan, an nowa min tahan resepukaman.
4Mero in ka nar kavaih le Wuhgin rerai ita ten uk; an in uk neraitean ierem rerai ita ten uk, nuparhienan tetar.
5Pehe ierem rerai ita ten uk, mero in am ierem tereni nuparhienan le Iesu moma in Neri Wuhgin?
6In uk ierem rava le nu mene nita, Iesu Kristo; resolan moma le nu am mero le nu mene nita. An Nanumun in ierem terausito, mero in ka Nanumun in nuparhienan.
7Mero in ka ihlel kisil kahmaiusito.
8Nanumun mene nu mene nita an ihlel kisil le karena.
9Takama takaros nausitoan te neremim, nausitoan te Wuhgin in ierem iribor, mero in ka inuk nausitoan te Wuhgin, moma reknamausito in Nerin.
10Ierem tereni nuparhienan le Neri Wuhgin reknos nausitoan le nekin; ierem resenian nuparhienan le Wuhgin reknol in kama ieiwa, mero in ka remesenian nuparhienan le nausitoan ierem Wuhgin ramemausito in le Nerin.
11An in uk nausitoan, moma Wuhgin ramofa kam katar nemihwan lilen, an nemihwan uk ramarik le Nerin.
12Ierem reknos Nerin reknos nemihwan; ierem resosan Neri Wuhgin resosan nemihwan.
13Iemrai naremnar min uk to kamiar, moma tenakarhinatin mama neknaros nemihwan lilen, kamiar nerem nakamani nuparhienan le netige Neri Wuhgin.
14An in uk netighean ierem takaros ton, moma takama takaihrapkin nar ker le nowa tahan in tereteleg in katar.
15An takama takarhinatin mama in tereteleg in katar le nar takaihrapkin ton, katar takarhinatin mama takaros nar min kameihrapkin ton.
16Takama ieremim ker terahm pian ramol tehwaga tat ierem resolan moma to nemisan, tereperhapuk, an (Wuhgin) terepofen nemihwan kam in, to nerem kamarol tehwaga tat ierem resolan moma to nemisan. Tehwaga tat ker ramarik ierem to nemisan. Iakasenian moma tereperhapuk to ierem ka.
17Tehwaga mul min in tehwaga tat, an tehwaga tat ker ramarik resolan moma to nemisan.
18Katar takarhinatin mama ierem kavaih le Wuhgin resolan tehwaga tat, mero ierem kavaih le Wuhgin ramahm ut ena in, an ieremitat resekan in.
19Katar takarhinatin mama katar taha Wuhgin, an ten uk petum rakamel le ieremitat.
20An katar takarhinatin mama Neri Wuhgin reknua, an reknofa kam katar hninatinan moma takarhinatin ierem rakaparhien an katar le ierem rakaparhien le Nerin Iesu Kristo. In uk Wuhgin parhien mene nemihwan lilen.
21Nowasuas min, amairou ena kamiar to nanumu nar min.
Currently Selected:
1 Jon 5: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
