Zaburi Sya Daud 103
103
Benedic, anima mea.
1Mundumbaye Bambo ngati kihomo kyene, umi wangu:
Ni fyoha fiyile mwangu, lihina lyake liwalafu.
2Nndumbe Bambo ngeti kihomo kyene, umi wangu:
Usiyiwa fyakuyenesela fyake fyoha.
3Yula akulekesela upulu‐pulu wako goha:
Yula aponesa fitamo fyako fyoha.
4Wakukombola kulama kwako pa kuyanangika:
Akunienga ni kikupiko kya lukolo ni lipyana.
5Wakutupalisa pa nndomo pako ni unofu:
Mpaka ukeke wako wikita wa hino ngati nyannsimula.
6Kikitile kukita malinga Bambo:
Ni mapauliko kwa woha wakunungalakika.
7Ammanyise Musa ndila syake:
Na wana wa Israel fyakukita fyake.
8Mwene lipyana nu wakugana Bambo:
Wakusyela kudada, na wakuyoloka lukolo.
9Nakukanila kilongolele:
Nakutama kigohele mihalu kitamile mumu pela.
10Atikitile lepa kwa nndingo wa sambi situ:
Atiyenasile lepa kwa nndingo wa upuli‐puli witu.
11Umu Kunani kukwesekela panani pa nndima:
Mumu lukolo lwake lwa kigosi panani pa wala wakunnjogopa.
12Umu kupatukanila kupita ni kuyiwila lijuwa:
Mumu wapatusana fyakuhoka fitu na tenga.
13Umu dadi awonela lipyana panani pa wana:
Mumu Bambo awonela wala wakunnjogopa lipyana.
14Ndawa yombe amanya kawumbiko kitu:
Kikumbukile kukita lufumbi tenga.
15Munu munu kamundu, magono gake ngatia linyasi:
Ngati kyakuwala kya nngunda, wiwi awala.
16Ndawa mbepo ilutalila pa kila, ni pa waka:
Na pandu pake pangawalalila, kawili kiwalalile kyake.
17Nu lukolo lwa Bambo kitumbulile mumu pela, na mpaka kitamile mumu pela pa nani pa wala wakunnjogopa:
Nu kukita malinga kwake kwa wana wa wana.
18Kwa wala wakugagoha malagano gake:
Na kwa wala wakukumbukila gala gakulolela kwake gakite.
19Bambo awikile ngani kitihu kyake kya kiutwa Kunani:
Nu utwa wake ufilinganisa fyoha.
20Munndumbaye Bambo ngati kihomo kyene, mwenga wakamalaika wake:
Wa kigosi pa makakala, wakulikita lilowe lyake, kuyufwanila nnjwawila ya lilowe lyake.
21Munndumbaye Bambo ngati kihomo kyene, mabanja gake goha:
Mwenga wakuntumikila wake, wakukita kuyitakila kwake.
22Munndumbaye Bambo ngati kihomo kyene, mwenga mahengo gake goha, pandu poha pa kulinganisa kwake:
Munndumbaye Bambo ngati kihomo kyene, umi wangu.
Currently Selected:
Zaburi Sya Daud 103: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
