Popular Bible Verses from Zaburi Sya Daud 103

Share

Nndumbe Bambo ngeti kihomo kyene, umi wangu: Usiyiwa fyakuyenesela fyake fyoha.

Yula akulekesela upulu‐pulu wako goha: Yula aponesa fitamo fyako fyoha. Wakukombola kulama kwako pa kuyanangika: Akunienga ni kikupiko kya lukolo ni lipyana. Wakutupalisa pa nndomo pako ni unofu: Mpaka ukeke wako wikita wa hino ngati nyannsimula.

Mundumbaye Bambo ngati kihomo kyene, umi wangu: Ni fyoha fiyile mwangu, lihina lyake liwalafu.

Umu dadi awonela lipyana panani pa wana: Mumu Bambo awonela wala wakunnjogopa lipyana.

Umu kupatukanila kupita ni kuyiwila lijuwa: Mumu wapatusana fyakuhoka fitu na tenga.

Mwene lipyana nu wakugana Bambo: Wakusyela kudada, na wakuyoloka lukolo.

Atikitile lepa kwa nndingo wa sambi situ: Atiyenasile lepa kwa nndingo wa upuli‐puli witu. Umu Kunani kukwesekela panani pa nndima: Mumu lukolo lwake lwa kigosi panani pa wala wakunnjogopa.

Bambo awikile ngani kitihu kyake kya kiutwa Kunani: Nu utwa wake ufilinganisa fyoha.