Zaburi Sya Daud 104
104
Benedic, anima mea.
1Munndumbaye Bambo ngati kihomo kyene, umi wangu:
Bambo Mlungu wangu wenga ukuliti nyahope; wafwatike mbili na mafwatiko.
2Wafwika nu lulangalila ngati malaya:
Ukutambalisa Kunani ngati panzia lya nguo.
3Wakuwandikisana majengo ga fitemula fyake fyakukwelela machi;
Wakuwika mafundi magereta gake ga ngondo; wakugenda genda pa mapapatilo ga mbepo.
4Wakukita mbepo watenga wake:
Wakumhengela wake mwoto wakuyaka.
5Awika fyakuyalila pasi fya nndima:
Usihegalela kitamile mumu pela ni kitamile pela.
6Wafunakile ni fina ngati na malaya:
Machi gayime panani pa fidunda.
7Pa kukalipila kwako gakimbile:
Pa njwawila ya mbamba yako gabite nyata.
8 Gakwelile pa fidunda, gaselile pa magema:
Kifika pandu pala ugawikile.
9Uwikite mbaka gasilutalila:
Gasikilaukile kufunikila nndima.
10Wakutuma fisima pa maliwa:
Figendagenda pagati pa fidunda.
11Finywesa fyoha fyene umi pa migunda:
Mamihi gadumula mumu luyumilo lwawe.
12Bahapa pa ifi siwela sya kuguluka sya Kunani:
Pa ndafi fipeleka nnjwawila yawe.
13Wakunywesa fidunda kuhuma pa findemula fyake fyakukwelela:
Nndima gutupile ni fipambiko fya mahengo gako.
14Wakutukisa linyasi kwa kyakukwawa nu mmela kwa kumhengela mwana wa adam:
Apise chakulya pa nndima
15Nu mvinyo wakuhekalesa mwoyo wa kamundu:
Na mafuta kung’alisa kyene, ni cha kulya kukangamisa mwoyo wa kamundu.
16Mikongo ya Bambo yitupila:
Mikunguza ya Lebanon, yila uyipandite:
17Pala fiyuni fijenga fisakasa fyawe:
Munu‐munu linkumbato, mikongo ya miborosh nyumba yake.
18Fidunda fyene fikweso kwa meni sya mdasi:
Pandu pa ulema pala fikimbilila fipyangi.
19Akite mwela kwa mbonangano syake:
Lijuwa limanya kuyiwila kwake.
20Uwika lwisi nu lutama kilo:
Mumu fikoko fyoha fya mudasi filupuka.
21Wana wa lihimba wakoloma kwa kila wakachula:
Nu kulonda chakulya kyawe kwa Mlungu.
22Nipita lijuwa, na wawungana:
Ni wayinama pasi pa mipuli yawe;
23Mwana wa adam abita kwa fila akitaga:
Na kwa fyakuhengela fyake mpaka kimihi.
24Uwi fiyolwike fila ufikita, Bambo:
Nu luhala walupanga lwoha; nndima umemite ni kyuma kyako kila wachipatile.
25Uku nyanja ngulungu ni ya kitando:
Fiyile mumu findu fyakugenda‐genda fya ngawalangika, fyene umi fikulungu ni fichoko‐fichoko.
26Mumu filuta vombo fya uhemesi:
Ayile mumu leviathan, yula wambumbite akinayemumu.
27Awa woha wilindakisa kwako:
Uwapele chakulya kyawe pa lukumbi lwake.
28Kila uwapela manya kukitondola:
Utambasule kiwoko kyako, watupila ni finofu.
29Ufiha kyene kyako, wayambanika:
Ukwisisa roho yawe, waselesa mwoyo, ni walukilaukila lufumbi lwawe.
30Utumisa roho yako ni wapweleleka:
Nu ukita kya hino kyene kya lidupi.
31Kukwisika kwa Bambo kutame mumu pela:
Ahekelele Bambo pa fila akite.
32Agugelawine nndima, ni gudigida:
Afipapasyeye fidunda, ni fupisa lyosi.
33Yaninjimbile Bambo pa kulama kwangu:
Yaninjimbile zabur wona niyile baha.
34Kujowa nakape kwangu kujifulika kwa yombe:
Namwene yanihekelele pa Bambo.
35Wakukita sambi wamalakike pa nndima, na wakuhoka pa waka kawili:
Mundumbe Bambo ngati kihomo kyene, umi wangu. Mundumbaye Bambo.
Currently Selected:
Zaburi Sya Daud 104: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
