Zaburi Sya Daud 102
102
Domine, exaudi.
1Bambo, uyufyanile liluwa lyangu:
Kulilila kwangu kukakuchile.
2Usanafiha nenga kyene pa ligono lya kufinyana kwangu:
Uhenekele likutu lyako, pa ligono lila ngati nikemela unihige kuyumbatika.
3Ndawa magono gangu ga malakila ngati lyosi:
Na mafupa gangu gitinyisa ngati kisindo.
4Mwoyo wangu gutoweka ngati linyasi, na guyuma:
Ndawa niyiwa kulya chakulya kyangu.
5Ndawa ya nnjwawila yakuwuula kwangu:
Mafupa gangu gayumalakile pu nyama yangu.
6Niwanangana ni nyanginyangi ya mudasi:
Nipatite kutama ngati matuyi ga mahami.
7Nitame miho, nipatite kutama:
Ngati ntaka yila yiyile yakape pakiug’ango.
8Wakuwipila wangu wanidoga musi goha:
Wala wakunikitila lupengo walapalila kwa nenga.
9Ndawa nilile malifu ngati chakulya:
Nikasangine chakunywa kyangu na masoli.
10Kuhuma pa kyene kya kulakala kwako na kuyambanika mwoyo kwako:
Ndawa uninyanyamwile, unitagite pasi.
11Magono gangu gayile ngati kifwili kyakulambalika:
Na nenga niyumite ngati linyasi.
12Wenga koma, Bambo, yautamile ngani pasi ngati mutwa mumu pela:
Ni kikumbukiso kyake kihogosi ni kihogosi.
13Wenga yauwuke, na yaupwelekele Zion lipyana:
Ndawa ni likumbi lwa kunnganila, ena, mbonangano sila.
14Ndawa wakuhengela wako agayitakile maganga gake:
Na aluganile lufumbi lwake.
15Ni mihuko yawaliyogope lihina lya Bambo:
Na watwa woha wa nndima kukwisika kwake.
16Ndawa Bambo agujengite Zion:
Awonakile pa kukwisika kwake.
17Walibangila liluwo la wala wakibunu:
Ni nakulehepa liluwo lyawe.
18Iki yakulembeke kwa kihogosi kila yakihiche:
Nu nnsafi gula yagupangike yagundumbe Bambo.
19Ndawa alingulile kuhumila pa kunyanyamulike pa kuwalala pake:
Kuhuma Kunani Bambo agunyukwise nndima;
20Kuyufwanila kuwuula kwake wa mmigoyi:
Kuwadindulila wana wa kifwa.
21Wandu wawalange lihina lya Bambo pa Zion:
Ni malumbo gake pa Yerusalem.
22Pala wawungana misafi pamonga:
Na watwa, kumhengela Bambo.
23Waselesa makakala gangu pa nndila:
Magono gangu gakepekeka.
24Nakite, Mlungu wangu, usaniwusa pa pinga pa magono gangu:
Miaka yako kitamile pa kihogosi fya kihogosi.
25Mwandi wawika findu fyakuyalila pasi fya nndima:
Ni Kunani lihengo lya mawoko gako.
26Isi yasitagike, wenga koma yauyime:
Isi syoha yasilale ngati fyakufwata; ngati malaya yausiyandunganise ni yasiyandunganike.
27Koma wenga uyile yuyula:
Ni Miaka yako yangamalakika.
28Wana wa wakuhengela wauo yawawele:
Ni mbuyu yawe yayuwikike ngani pa kyene kyako.
Currently Selected:
Zaburi Sya Daud 102: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
