ESAY 55
55
Pẽẽgen go de koɗ ma jar ɓuy
1Nday ɓuy maga nday jwaale mono,
a we le jag bii, hayba je maga bay de solay doo wa draʼa!
Á we le, yee we ni nday re.
Á we le, yee we yii wo de pãã bay solay lay,
bay ti yoo wa lay!
2Wer mayse ga nday ngaɓ solay ti klew
ngaɓge ma yee mo maga bay diŋ hoole wa yaw la?
Wer mayse ga nday gay coo see ɓay diŋ wer mo
maga wùu nday gà yaw la? Laa we jag
ɓi ni nday re fen ma de el no,
day nday soɓ ge mo ma de noon yaŋ.
3Coʼ we sug ɓi day a we le see ɓi.
Laa we sugi, day ni nday yãã ge maysee ɓay yaŋ go.
Ndi tay ge jag yaŋ de ɓay ma tum,
diŋ tayge jag ma joŋ ɓil de el see Dafidi,
diŋ tayge jag ma de deele see ɓe.
4Ko we, ndi hay kaŋn diŋ je sedewa see wer jar wo,
diŋ je koɗ rage, je ɓod faage wããre ne hara.
5Ko ga ndo ɗe ge wer jar maga ndo
bay de ko rage wa wo yaŋ le,
day wer jar maga bay wo de ko ndo wa ɗee ge wo
yaŋ le see ɓo wer Manwuri,
Baa ɓo no, je ma bay ɗag ma
Israyel maga hã twore ne ndo mono.
Wããre Baa taw de koɗ gà
6Kiɗ we Manwur de maga á yaŋ nen daʼge ɗa mono.
Ɗen we de maga á yaŋ la maŋ ɗa mono.
7Daga je ɓlaggen mo men faage ɓen go,
je ma bay ngarn mo men ɗiggi ɓen wo go.
Á mo fer le see Manwur ni se ko de coo ɓe yaŋ,
á mo fer le see Baa naa maga bay gayge doo
fug ɓil ne jar ti wa mono.
8Werga ɗiggi ɓi bay wo doo ɗiggi ɓay wo no wa,
faage ɓin bay wo doo faage ɓayn wo no wa.
Kay diŋ jag Manwuri.
9Doo maga ngel ma ciŋ go ciŋ ti tamsir hãã nono,
faage ɓin wo go ciŋ ti faage ɓayn wo no lay,
ɗiggi ɓi wo go ciŋ ti ɗiggi ɓay wo pa.
10Doo maga bii Baa cwaa wo le ciŋ de gedembare
day fer wo go ciŋ bay taŋ tamsir gà lay,
bay rumgi ɓe gà lay,
bay tĩĩ fẽẽre ti ɓe gà lay,
bay hã mbèere ma joʼgen gà lay,
bay hã hoole ma rege ne jar gà lay mono,
11wããre ɓi maga kal go jag ɓi nà doosen no lay :
Á fer le see ɓi bay joŋ mopo gà bay joŋ dage ma ɓil ɓin gà lay.
Á bag jag fen maga ndi hay wãã ti ɓe go ti ngel ɓe ɗa.
12Kidolgi, nday laa ge yaŋ le go de fruygi day ndi see
ge yaŋ de ɓay nen jam.
Húulì wo de ngel ma de farge ciŋ ʼwad ge wo war
yaŋ pel ɓay, koore ma yooway mbar ge wo doo yaŋ ne nday ti.
13Koo sipres kol ge yaŋ go ti ngel gusuŋ-gusuŋn wo,
koo mirte gẽẽge yaŋ go ti ngel ɗewseŋ no.
Sen joŋ ge diŋ fen ma ra ɗúu Manwuri, fen kaŋ nen jar ma tum sagsage.
Currently Selected:
ESAY 55: TUP
Highlight
Copy
Compare
Share
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.
