Popular Bible Verses from ESAY 55

Share

Werga ɗiggi ɓi bay wo doo ɗiggi ɓay wo no wa, faage ɓin bay wo doo faage ɓayn wo no wa. Kay diŋ jag Manwuri.

Doo maga ngel ma ciŋ go ciŋ ti tamsir hãã nono, faage ɓin wo go ciŋ ti faage ɓayn wo no lay, ɗiggi ɓi wo go ciŋ ti ɗiggi ɓay wo pa.

Kiɗ we Manwur de maga á yaŋ nen daʼge ɗa mono. Ɗen we de maga á yaŋ la maŋ ɗa mono.

Daga je ɓlaggen mo men faage ɓen go, je ma bay ngarn mo men ɗiggi ɓen wo go. Á mo fer le see Manwur ni se ko de coo ɓe yaŋ, á mo fer le see Baa naa maga bay gayge doo fug ɓil ne jar ti wa mono.

Nday ɓuy maga nday jwaale mono, a we le jag bii, hayba je maga bay de solay doo wa draʼa! Á we le, yee we ni nday re. Á we le, yee we yii wo de pãã bay solay lay, bay ti yoo wa lay!

Doo maga bii Baa cwaa wo le ciŋ de gedembare day fer wo go ciŋ bay taŋ tamsir gà lay, bay rumgi ɓe gà lay, bay tĩĩ fẽẽre ti ɓe gà lay, bay hã mbèere ma joʼgen gà lay, bay hã hoole ma rege ne jar gà lay mono, wããre ɓi maga kal go jag ɓi nà doosen no lay : Á fer le see ɓi bay joŋ mopo gà bay joŋ dage ma ɓil ɓin gà lay. Á bag jag fen maga ndi hay wãã ti ɓe go ti ngel ɓe ɗa.

Kidolgi, nday laa ge yaŋ le go de fruygi day ndi see ge yaŋ de ɓay nen jam. Húulì wo de ngel ma de farge ciŋ ʼwad ge wo war yaŋ pel ɓay, koore ma yooway mbar ge wo doo yaŋ ne nday ti.

Coʼ we sug ɓi day a we le see ɓi. Laa we sugi, day ni nday yãã ge maysee ɓay yaŋ go. Ndi tay ge jag yaŋ de ɓay ma tum, diŋ tayge jag ma joŋ ɓil de el see Dafidi, diŋ tayge jag ma de deele see ɓe.