ESAY 54
54
Jerusalem fer yaŋ daʼ see ɓe go has so
1ʼWad mbo war de fruygi, ndo Jerusalem,
wãy ma bay weere no, ndo maga ndo biŋ gà mono!
ʼWad war blum no, joŋ few,
ndo maga ɓil ma biŋgi leʼ mo ti boŋ gà mono!
Werga weere mani wãy maga à hay men
go joŋ ge wo ngaɓa de daŋ mani wãy
maga hay de war mono,
wããn diŋ Manwuri.
2Yaʼ diy tiŋ naw ɓon ni,
yaʼn go kluu day wii gayre ɓen wa!
Mbeɗ jag saale ɓen wo go,
fer ter wer gefay ɓen go de ele!
3Werga, ndo ɗee doo yaŋ go nen ti ɓaŋ war lay,
nen ti ɓaŋ gùr lay.
Jar ni ɓo yãɗ ge wo sir mani wer jar wo yaŋ go,
day lag ge wo yaŋ go ɓi leege ma bay jar ɓiln wo.
4Joŋ hẽẽne wa werga ndo joŋ ge nen sõõre gà so.
Cog ti go gesiŋ wa so werga à mbuɗ gi foo ɓo gà so.
Ndo yõõ ge ti sõõre maga
hay joŋ ndo le ti tigli ɓo yaŋ go
day ndo fer ge ɗig ti ti mbuɗgi foo
maga à mbuɗ foo dewur ɓon mo gà so hase.
5Werga je maga hay joŋ ndo mono,
diŋ war ɓo no ɗúu ɓe ga Manwur Pantway no,
day je coo ndon diŋ je ma bay ɗag
ma Israyel no. Á ɗen ga Baa ma ti tamsir ɓuy no.
6Manwur fer yaŋ le baa ndo liŋ doo wãy maga
à hay tobn go day se kol go nen lawge nono.
À bus mbe wãy maga ndo hay dan le ti jõõ ɓo go yawla?
Wããn diŋ Baa ɓo no.
7Ndi hay tob ndo go ma naw mbag koɗe ama
ndi fer ge ndo yaŋ le liŋ de dage jiili debaŋ.
8Wer maga jiili ɓi hay caa go debaŋ ndi hay yoŋ see ɓi
go ne ndo ma naw mbage, ama diŋ de dage ma tum no,
ndi fer ge yaŋ ko decoo ɓo. Wããn diŋ Manwuri,
je coo ndo le no.
9Ndi joŋn ge yaŋ doo ma ti wur mani Nowen nono :
Ndi hay hãʼ go ga te bii ma nen Nowen maŋ ge go ne tamsir
ti gà so hase. Doosen no lay, ndi hãʼ go pa ga ndi caa ge
jiili go mo ti gà so,
ndi kaŋ re ne ndo ti gà so has lay.
10De maga húulì mo mbug bà wo go noga húulì ma lublub
mo leɗ bà wo go gesiŋ layblaʼ no,
ɓil de el ɓin maŋ ge wer
wo go see ɓo gà tayge jag ɓi ma jam gleŋ ge gà lay.
Wããn diŋ Manwur ma ko decoo ɓo no.
Woore Jerusalem ma wurpo no
11Ndo ɓi leege ma nen coocoo no,
ndo maga leege gay ndo
go day je coɓ moge bay wa no,
ko so, ndi her ge húulì jaspe yaŋ yoo húulì ma de boo ndon wo,
ndi ɓoʼ ge wer ɓo yaŋ de húulì Safiri.
12Ndi bor ge ngel gor ngel ɓo ma
de gẽẽre ciŋ wo ge de húulì rubisi, joŋ ge
faage ɓon wo de húulì eskarbukle wo.
Ndi ʼwũy gi ɓil ɓo yaŋ go de húulì ma de woore wo.
13Weere ɓon wo ɓuy joŋ ge wo yaŋ diŋ weere lakol Manwuri
day jar ni ɓon nges wo yaŋ go ngesge de horoge.
14Ndo joŋ ge yaŋ de coɓge wer joŋge
fẽẽre ti ngel ɓe no.
Jobo joŋ ge doole ɓo gà so,
fen maga ndo joŋ ge hẽẽne ɓe bay ge wa so,
mo ma ndar jiili ɓo joŋ ge gà lay werga
mopo duʼ ge ndo meʼ gà hase.
15À mo leʼ bà ndo durgi layblaʼ no,
sen a ge le bay ti jag ɓi wa.
Wosela ɓuy maga leʼ ge ndo we durgi mono,
je sen leʼ ge yaŋ go gesiŋ pel ɓo.
16Koɗa, joŋ je torge maga fid wùu ti
hegre day tor fẽẽre durgi ma ti ɗiggi ɓen
wo nà diŋ ndi, ama ndi de ma joŋ je ɓlag jarn le go
maga á mo a go ndreɗge ɓe lay.
17Fen durgi maga à toon see ɓo mo
ɓuy joŋ ge diŋ mopo gà.
Je maga bulgi jag ma caa kiida ne ndo ti mo ɓuy,
ndo bawn ge de wããre hun ɓe no.
Mo nà diŋ nen mo mani weere jõõre Manwurn wo,
mono diŋ koge ngar maga ndi koge
ngar ɓaara mono. Kay diŋ jag Manwuri.
Currently Selected:
ESAY 54: TUP
Highlight
Copy
Compare
Share
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.
