Popular Bible Verses from ESAY 54

Share

Fen durgi maga à toon see ɓo mo ɓuy joŋ ge diŋ mopo gà. Je maga bulgi jag ma caa kiida ne ndo ti mo ɓuy, ndo bawn ge de wããre hun ɓe no. Mo nà diŋ nen mo mani weere jõõre Manwurn wo, mono diŋ koge ngar maga ndi koge ngar ɓaara mono. Kay diŋ jag Manwuri.

De maga húulì mo mbug bà wo go noga húulì ma lublub mo leɗ bà wo go gesiŋ layblaʼ no, ɓil de el ɓin maŋ ge wer wo go see ɓo gà tayge jag ɓi ma jam gleŋ ge gà lay. Wããn diŋ Manwur ma ko decoo ɓo no.

Joŋ hẽẽne wa werga ndo joŋ ge nen sõõre gà so. Cog ti go gesiŋ wa so werga à mbuɗ gi foo ɓo gà so. Ndo yõõ ge ti sõõre maga hay joŋ ndo le ti tigli ɓo yaŋ go day ndo fer ge ɗig ti ti mbuɗgi foo maga à mbuɗ foo dewur ɓon mo gà so hase.

Werga je maga hay joŋ ndo mono, diŋ war ɓo no ɗúu ɓe ga Manwur Pantway no, day je coo ndon diŋ je ma bay ɗag ma Israyel no. Á ɗen ga Baa ma ti tamsir ɓuy no.

Yaʼ diy tiŋ naw ɓon ni, yaʼn go kluu day wii gayre ɓen wa! Mbeɗ jag saale ɓen wo go, fer ter wer gefay ɓen go de ele!

Weere ɓon wo ɓuy joŋ ge wo yaŋ diŋ weere lakol Manwuri day jar ni ɓon nges wo yaŋ go ngesge de horoge.

Wer maga jiili ɓi hay caa go debaŋ ndi hay yoŋ see ɓi go ne ndo ma naw mbage, ama diŋ de dage ma tum no, ndi fer ge yaŋ ko decoo ɓo. Wããn diŋ Manwuri, je coo ndo le no.

Ndi hay tob ndo go ma naw mbag koɗe ama ndi fer ge ndo yaŋ le liŋ de dage jiili debaŋ.

Ndi joŋn ge yaŋ doo ma ti wur mani Nowen nono : Ndi hay hãʼ go ga te bii ma nen Nowen maŋ ge go ne tamsir ti gà so hase. Doosen no lay, ndi hãʼ go pa ga ndi caa ge jiili go mo ti gà so, ndi kaŋ re ne ndo ti gà so has lay.

Ndi bor ge ngel gor ngel ɓo ma de gẽẽre ciŋ wo ge de húulì rubisi, joŋ ge faage ɓon wo de húulì eskarbukle wo. Ndi ʼwũy gi ɓil ɓo yaŋ go de húulì ma de woore wo.