ESAY 25
25
Siŋ ma joŋ suseʼe
1Manwuri, ndo diŋ Baa ɓi no. Ndi kee ge ndo yaŋ, ndi
maŋ ge ti ɗúu ɓon yaŋ ciŋ werga ndo hay joŋ fen ma ngil jare.
Fẽẽre ɓo maga ndo hay ngaɓ ra le go ɓaa joŋge
wo mbaara ti ngel ɓaara tum doo maga á hay wo nono.
2Werga ndo kol ge ɓi leegen go diŋ húulì ma de cor
ɗugul ne kããra ti, kol ɓi leege ma de egren go diŋ
tabuli. Ngel lagge ma de woore mani jar dehãyn yee wo
nen go ɓi leege no, jobo fer ge booge ɓe gà so hase.
3Diŋ wersen so ga jar ma de egren togoɗ wo ndo, wer
jar joŋ bon jarn joŋ wo hẽẽne doo ɓo mono.
4Werga ndo hay diŋ ngel yãã waŋ je ma de hugli no,
diŋ ngel yãã waŋ je coon ti wur re no, diŋ duuli doo
baa maga ra mono, diŋ nencee doo cege. Doo ga ɓoɗge
egre jar joŋ bon jarn wo doo baa maga ra ne glig ti nono.
5Doo maga ndo ii jag ceg ma ti puuli go no, ndo ham jag
ngarge jag waaren wo go gesiŋ lay. Doo swaare maga
hee go ne wur nen nono, ndo hay ham jag siŋ mani jar
joŋ bon jarn wo go nà doo kay no lay.
Siyoŋ joŋ ge diŋ ngel joŋ few jar ɓuy
6Manwur joŋ ge few ma kluu yaŋ ne wer jar wo de rege ma
de woore wo, de yii ma de kiŋgi wo,
de rege ma de noo này ti,
de yii ma de kiŋgi ga go de jiigi de el wo ciŋ ti húulì ɓe no.
7Day ciŋ ti húulì sen mono,
se ngrag ge cee maga hay hee go ne wer jar wo ɓuy nen yaŋ go,
hoo ge õõbe maga hay go de yoŋ nen wer jar wo ɓuy yaŋ go.
8Á caa ge wer húulí yaŋ go ma tum. Waŋkluu, Manwur tag
ge mberbe ma nen jar wo ɓuy yaŋ go, á maŋ ge sõõre ma
ti jar mani ɓe ma ti tamsirn wo yaŋ go ɓuy.
Manwur wããn go.
Israyel fruy gi yaŋ, Mohab bas ge go
9Ti wur sen mono à wãã ge yaŋ ga :
Mo nà diŋ Baa naa no,
naa hay de kaŋ ɗiggi naa nà diŋ ti ɓe,
day hay yãã naa go nà diŋ se.
Naa hay de kaŋ ɗiggi naa nà diŋ ti Manwuri,
ɓil naa mo hay go fehe day naa joŋ fruygi ti
pẽẽge ɓe maga á hãn ne naa mono!
10Werga doo Manwur de kaŋ bosaʼ ti húulì seno.
À dag Mohab go ti ti ngel ni tuu doo fíi ma ɓi gloŋ jããren nono.
11Ɓi gloŋ jããre sen ni, se ɓod doo ɓe doo ga je ʼwẽẽ bii
ɓod doo ɓe nono, ama Manwur ham jag maŋge ti ciŋ ɓen go
gesiŋ wo go de rew ma doo ɓen wo ɓuy.
12Á mbug glig tiŋ ɓo ma de egre de gẽẽren wo go,
hrag ra go gesiŋ.
Á cor ra go gesiŋ hãã tay nen ɓaara go de beɗefe.
Currently Selected:
ESAY 25: TUP
Highlight
Copy
Compare
Share
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.
