Popular Bible Verses from ESAY 25

Share

Manwuri, ndo diŋ Baa ɓi no. Ndi kee ge ndo yaŋ, ndi maŋ ge ti ɗúu ɓon yaŋ ciŋ werga ndo hay joŋ fen ma ngil jare. Fẽẽre ɓo maga ndo hay ngaɓ ra le go ɓaa joŋge wo mbaara ti ngel ɓaara tum doo maga á hay wo nono.

Á caa ge wer húulí yaŋ go ma tum. Waŋkluu, Manwur tag ge mberbe ma nen jar wo ɓuy yaŋ go, á maŋ ge sõõre ma ti jar mani ɓe ma ti tamsirn wo yaŋ go ɓuy. Manwur wããn go.

Ti wur sen mono à wãã ge yaŋ ga : Mo nà diŋ Baa naa no, naa hay de kaŋ ɗiggi naa nà diŋ ti ɓe, day hay yãã naa go nà diŋ se. Naa hay de kaŋ ɗiggi naa nà diŋ ti Manwuri, ɓil naa mo hay go fehe day naa joŋ fruygi ti pẽẽge ɓe maga á hãn ne naa mono!

Day ciŋ ti húulì sen mono, se ngrag ge cee maga hay hee go ne wer jar wo ɓuy nen yaŋ go, hoo ge õõbe maga hay go de yoŋ nen wer jar wo ɓuy yaŋ go.

Manwur joŋ ge few ma kluu yaŋ ne wer jar wo de rege ma de woore wo, de yii ma de kiŋgi wo, de rege ma de noo này ti, de yii ma de kiŋgi ga go de jiigi de el wo ciŋ ti húulì ɓe no.