Mafunukuliko 13
13
1Ni likayimiti pa mhanga wa pa nyanja.
Ni nikaweni kilugu kikwelile kipitile pa nyanja, kikayili ni manyelo kumi ni mitu saba, ni pa manyelo gake fikupiku fya kiutwa kumi, ni pa mitu yake mahina ga blasfemia. 2Ni kilugu iki nikakiweni kikayili ngati suwi, ni njayo syake ngati sya dubu, ni pa ndomo pake ngati pa ndomo pa lihimba: ni liyoka likampili mbafu yake, ni kitihu kyake kya kiutwa, ni chengo kikulungu. 3Ni nikaweni umonga wa mitu yake ngati wakudumulika mpaka kufwa; ni liwanga lya kufwa likaponasiki: nu ndima woha ukakangichi panyuma pa kilugu; 4ni wakaligwilikimbo liyoka ndawa likapili kilugu chengo kyake; ni wakakigwilikimbo kilugu, kujowa, Nani ahwanangana ni kilugu? nu nani ahotola kukita ngondo nako? 5ni pakapelakiki kwa yombe pa ndomo pakulongela findu fikulungu ni blasfemia; ni kikapelakiki kwake chengo kya kuhwela kwa miesi makumi ncheche ni yiwili. 6Ni akawopwili pa ndomo pake kunkitila Mulungu blasfemia, kulikita lihina lyake blasfemia, ni hema yake, na wawa wakuhwela kunani. 7Nu kukapelakiki kwake kukita ngondo ni wawalafu, ni kuwahotola: nu kukapelakiki kwake chengo panani pa ntangilo uyi woha nu nsafi ni njowelo ni mhuku. 8Na wala wakuhwela pa ndima woha yawangwilekimbo, ayi yoha lihina lyake nakulembeka pa kitabu kya kulama kya Mwana ling’osi uyu adumuliki kitumbulile pa kuwikika ndima. 9Wona mundu ayii ni likutu, ayufwe. 10Wona mundu alonda mateka, kwa mateka abita: wona mundu yakome nu upanga, nu upanga yakomeke. Apa luyii luyumalakilo ni kiyitakiso kya wawalafu.
Ni nikaweni kilugu kingi ni kikwela kipitile pa ndima; 11ni kikayili nago manyelo gawili ga kuhwanangana ni mwana wa limbelele, ni kikalongili ngati liyoka. 12Ni kilikita chengo kyoha kya kilugu kya kutumbula kila pa kyene kyake. Ni kiukita ndima na wakuhwela mumu kukigwilakimbo kilugu kya kutumbula, kila liwanga lyake lya kufwa likaponasiki. 13Ni kikita fiwalalilo fikulungu, mpaka aselese mwoto kawili kipitile kunani mpaka pa ndima pa fyene fya wandu. 14Ni kiwakonga wala wahwela pa ndima ndawa ya fiwalalilo ifi kukapelakiki kwake kufikita pa kyene kya kilugu; kuwajowela wala wahwela pa ndima, wakikitile kilugu iki kifwilifwili kila kikayili ni liwanga lya upanga, ni kikalamiti. 15Ni kukapelakiki kwake kukipela kifwilifwili roho, kya kilugu, nausi kifwilifwili kya kilugu kilongele, ni kikitile woha wala nakukigwilakimbo kifwilifwili kya kilugu wakomeke. 16Ni akita woha, wachoko ni wakulungu, na wakafi na wagaju, na wakamba na wawanda, nausi wapeleke kwa wombe kiwalalilo pa kiwoko kyawe kya ndilo, pangi pa kiwungi kyawe; 17ni kukita mundu asihotola kuhemela haka kuhemelesa, lema uyu ayii ni kiwalalilo, kiki lihina lya kilugu, pangi kawalangiko ka lihina lyake. 18Apa luhala luyii. Uyu ayii nu luhala, akawalange kawalangiko ka kilugu; pakuya kayii kawalangiko ka mundu: ni kawalangiko kake kayii Mia sita ni setini ni sita.
Currently Selected:
Mafunukuliko 13: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
