Popular Bible Verses from Mafunukuliko 13

Share

Apa luhala luyii. Uyu ayii nu luhala, akawalange kawalangiko ka kilugu; pakuya kayii kawalangiko ka mundu: ni kawalangiko kake kayii Mia sita ni setini ni sita.

Na wala wakuhwela pa ndima woha yawangwilekimbo, ayi yoha lihina lyake nakulembeka pa kitabu kya kulama kya Mwana ling’osi uyu adumuliki kitumbulile pa kuwikika ndima.

Ni akita woha, wachoko ni wakulungu, na wakafi na wagaju, na wakamba na wawanda, nausi wapeleke kwa wombe kiwalalilo pa kiwoko kyawe kya ndilo, pangi pa kiwungi kyawe; ni kukita mundu asihotola kuhemela haka kuhemelesa, lema uyu ayii ni kiwalalilo, kiki lihina lya kilugu, pangi kawalangiko ka lihina lyake.

Wona mundu alonda mateka, kwa mateka abita: wona mundu yakome nu upanga, nu upanga yakomeke. Apa luyii luyumalakilo ni kiyitakiso kya wawalafu. Ni nikaweni kilugu kingi ni kikwela kipitile pa ndima

Ni likayimiti pa mhanga wa pa nyanja. Ni nikaweni kilugu kikwelile kipitile pa nyanja, kikayili ni manyelo kumi ni mitu saba, ni pa manyelo gake fikupiku fya kiutwa kumi, ni pa mitu yake mahina ga blasfemia.

Nu kukapelakiki kwake kukita ngondo ni wawalafu, ni kuwahotola: nu kukapelakiki kwake chengo panani pa ntangilo uyi woha nu nsafi ni njowelo ni mhuku.

Ni kiwakonga wala wahwela pa ndima ndawa ya fiwalalilo ifi kukapelakiki kwake kufikita pa kyene kya kilugu; kuwajowela wala wahwela pa ndima, wakikitile kilugu iki kifwilifwili kila kikayili ni liwanga lya upanga, ni kikalamiti. Ni kukapelakiki kwake kukipela kifwilifwili roho, kya kilugu, nausi kifwilifwili kya kilugu kilongele, ni kikitile woha wala nakukigwilakimbo kifwilifwili kya kilugu wakomeke.

Ni kilugu iki nikakiweni kikayili ngati suwi, ni njayo syake ngati sya dubu, ni pa ndomo pake ngati pa ndomo pa lihimba: ni liyoka likampili mbafu yake, ni kitihu kyake kya kiutwa, ni chengo kikulungu.

ni pakapelakiki kwa yombe pa ndomo pakulongela findu fikulungu ni blasfemia; ni kikapelakiki kwake chengo kya kuhwela kwa miesi makumi ncheche ni yiwili.

Ni nikaweni umonga wa mitu yake ngati wakudumulika mpaka kufwa; ni liwanga lya kufwa likaponasiki: nu ndima woha ukakangichi panyuma pa kilugu

ni kikayili nago manyelo gawili ga kuhwanangana ni mwana wa limbelele, ni kikalongili ngati liyoka. Ni kilikita chengo kyoha kya kilugu kya kutumbula kila pa kyene kyake. Ni kiukita ndima na wakuhwela mumu kukigwilakimbo kilugu kya kutumbula, kila liwanga lyake lya kufwa likaponasiki.