Mafunukuliko 11
11
1Ni likapelakiki kwa nenga lidete lya kuhwanangana ni nkongocho: nu yumonga akajowiti, Wuka, ukayilinge hekalu ya Mulungu, ni mathbahu, na wala wakugwilakimbo mumu. 2Ni lihegele ili liyii kunja kwa hekalu ulileke kunja, ni usililinga; pakuya likapelakiki kwa wa mihuku: ni likaya lya pakape yawaliwatile pasi pa njayo miesi makumi ncheche ni yiwili. 3Ni yanipeleke kwa walungamakiso wangu wawili, ni yawalwete magono elfu ni mia siwili ni setini, wakufwatakiwa ni milisi. 4Awa wayii mikongo ya zeituni yiwili ni pakuwikila nyali pawili, pakuyima palongolo pa Bambo wa ndima. 5Ni wona mundu alonda kuwawinisa, mwoto upita kipitile pa ndomo pawe, nikuwalila ngani wa mitumba wawe: ni wona mundu alonda kuwawinisa, yakomeke wiwila. 6Awa wayii ni chengo kya kudinda kunani, nausi yisitonya fula magono ga kulweta kwawe: ni wayii ni chengo panani pa machi kugang’anamusa gaye mwasi, ni kuutowa ndima ni ntowo uyi woha, ni payi poha apa yawalonde. 7Ni apa yawamalise ulungamakiso wawe, kilugu kila kikwela kipitile liwumba lya kina yakikite ngondo nawo, ni yakiwahotole, ni yakiwakome. 8Nu ntufi wawe yawuye bahalapala pa ndila ya likaya likulungu, lila likemeleka pa roho Sodom ni Egupto, apa kawili Bambo wawe akawambiki pa msalaba. 9Ni wakilolalela wa pa misafi ni mitangilo na njowelo ni mihuku ntufi wawe magono gadatu ni nusu, ni wayitakila lepa mitufi yawe kuwikika mu manyinja. 10Ni wakutamila pa ndima wahekelela pa wombe, ni wasangaluka; ni yawapelekelane mayetulo; pakukita awa wawili wakulweta wakawang’ahiti wakutamila pa ndima. 11Ni panyuma pa magono gadatu ni nusu roho yakulama kipitile pa Mulungu yikayingili pa wombe, ni wakayimi pa njayo syawe; ni woga ukulungu ukagwili pa wala wakuwalolalela. 12Ni wakayufwini njowelo ngulungu kipitile kunani, kuwajowela, Muhiche kuni kunani. Ni wakakweliti kiyingalile kunani pa lifundi; ni wa mitumba wawe wakawalolalili. 13Ni pa saa yiyila kikayili kinyukunyuku kikulungu, ni lilundu lya kakumi lya likaya lila likagwili pasi; ni wakakomiki pa kinyukunyiku wandu wene elfu saba; ni wakusigala wakayogwipi, ni wakapeliki kukwisika kwa Mulungu wa kunani.
14Yoyo ya kawili yilutiti; lola, Yoyo ya kadatu yihicha nyata.
15Ni malaika ya saba akakuwiti; ni yikakisiti njowelo ngulungu kunani, kujowa, Utwa wa ndima upatiti kuya utwa wa Bambo witu, ni wa Kristo wake: ni yaaye mutwa kwa miaka ni miaka. 16Ni wakuluwakulu makumi gawili ni ncheche, wala watama pasi palongolo pa Mulungu pa fitihu fyawe fya kiutwa, wakagwili kupama, ni wakangwilikimbo Mulungu, 17kujowa, Tikusengusa wenga Bambo Mulungu, Mwene mbafu syoha, uyu ayii ni uyu akayili; pakukita uyupiti mbafu yako ngulungu, ni uya mutwa. 18Ni mihuku yikadadasiki, ni kudada kwako kukachiti, ni lukumbi lwa wakufwa lwa kupaulika, ni lwa kuwapela wawanda wako wakulweta njombe, ni wawalafu, ni wala wayogopa lihina lyako, wachoko ni wakulungu; ni kuwayananga wala wauyananga ndima.
19Ni ikadinduliki hekalu ya Mulungu iyi yiyii kunani; ni likawoniki mu hekalu yake kasha lya malagano gake; ni sikakisiti mbamba sya kumulika, ni sya kuwuluma, ni njowelo, ni kinyukunyuku, ni fula ya maganga ngulungu.
Currently Selected:
Mafunukuliko 11: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
