Mafunukuliko 10
10
1Ni nikaweni malaika yungi wa makakala ni aselela kuhumila kunani, afwatakiwa ni lifundi; ni upindi wa fula ukayili pa mutu wake, ni kyene kyake kikayili ngati lijuwa, ni njayo syake ngati mapanda ga mwoto; 2ni akayili ni kitabu kichoko kidinduliki pa kiwoko kyake: ni akawikiti lwayo lwake lwa kigosi bahalapala pa nyanja, nu lwayo lwake lwa ku mangigi bahalapala pa ndima; 3ni akakuwiti ni njowelo ngulungu, umu lihimba liwuluma: ni pala akakuwiti, mbamba saba sikalongili njwawila yawe wene. 4Ni pala mbamba syakuwuluma saba sikalongili, nikayili mu kulonda kulemba: ni nikayufwini lilowe kipitile kunani kujowa, Ugakomalele aga mbamba sya kuwuluma saba sikalongili, ni usigalembe. 5Ni malaika uyu nikambweni nakayimi bahapa pa nyanja ni pa ndima akanyanyamwili kiwoko kyake kya kigosi, 6ni akalapili kwa uyu wakulama kwa miaka ni miaka, uyu akapangiti kunani ni findu ifi fiyii mumu, nu ndima ni findu ifi fiyii mumu, ni nyanja ni findu ifi fiyii mumu, kukita yaluye lepa kawili lukumbi: 7koma pa magono ga njowelo ya malaika wa saba, pala alonda kukuwa, bahalapala kya kuhyetu kya Mulungu kimalakasika, kwa ndingo wa ndumi sinofu sila akawandisi kwa wawanda wake wakulweta. 8Ni njowelo yila nikayufwini kipitile kunani, nikayufwini kawili kunijowela nenga, ni kujowa, Bita, uyupe kitabu kila kidinduliki pa kiwoko kya malaika wakuyima pa nyanja ni pa ndima. 9Ni nikambitile malaika, kunjowela kukita anipele kitabu iki kichoko. Ni anijowela, Yupa, ukalile ngani; ni yakiwawise lileme lyako, koma pa ndomo pako yapaye kulyolyopela ngati uchi. 10Ni nikachiyupiti kitabu kichoko pa kiwoko kya malaika, ni nikalili ngani; ni pakayili kulyolyopela pa ndomo pangu ngati uchi: ni pala nikalili ngani, lileme lyangu likawawiti. 11Ni wanijowela, Usikotoka kuwalwetela misafi ni mihuku ni njowelo ni watwa wingi.
Currently Selected:
Mafunukuliko 10: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
