Popular Bible Verses from Mafunukuliko 11

Share

Ni malaika ya saba akakuwiti; ni yikakisiti njowelo ngulungu kunani, kujowa, Utwa wa ndima upatiti kuya utwa wa Bambo witu, ni wa Kristo wake: ni yaaye mutwa kwa miaka ni miaka.

Ni mihuku yikadadasiki, ni kudada kwako kukachiti, ni lukumbi lwa wakufwa lwa kupaulika, ni lwa kuwapela wawanda wako wakulweta njombe, ni wawalafu, ni wala wayogopa lihina lyako, wachoko ni wakulungu; ni kuwayananga wala wauyananga ndima.

Ni yanipeleke kwa walungamakiso wangu wawili, ni yawalwete magono elfu ni mia siwili ni setini, wakufwatakiwa ni milisi.

Ni panyuma pa magono gadatu ni nusu roho yakulama kipitile pa Mulungu yikayingili pa wombe, ni wakayimi pa njayo syawe; ni woga ukulungu ukagwili pa wala wakuwalolalela.

Awa wayii ni chengo kya kudinda kunani, nausi yisitonya fula magono ga kulweta kwawe: ni wayii ni chengo panani pa machi kugang’anamusa gaye mwasi, ni kuutowa ndima ni ntowo uyi woha, ni payi poha apa yawalonde.

Awa wayii mikongo ya zeituni yiwili ni pakuwikila nyali pawili, pakuyima palongolo pa Bambo wa ndima. Ni wona mundu alonda kuwawinisa, mwoto upita kipitile pa ndomo pawe, nikuwalila ngani wa mitumba wawe: ni wona mundu alonda kuwawinisa, yakomeke wiwila.