Yakobo 3
3
1Musitama walimu wingi, walongo wangu, pakumanya kukita yatipate lipaulo lya kulutila. 2Pakuya pa fingi tikuwala tawoha. Wona mundu akuwala lepa na lilowe, yuyu ayii mundu wakumalakilana, wakuhotola kupinga mbili wake wa mfilimila. 3Leka wona tilekela malijamu ga mafarasi pa ndomo pawe, nausi watiyufwanile, mbili wawe wa mfilimila ting’anamulisa uku ni uku kawili. 4Mulolaye maboti kawili, haka gayii makulungu kulutila, na gatoleka ni mbepo sya kupupuma, gang’anamulika uku ni uku ni sigilo yichoko nyamhope, payi poha wakukamula apalonda. 5Wiwila lulimi kawili luyii kipingili kichoko, ni lugihila fikulungu. Mulolaye wuli dasi ngulungu yitinyika nu mwoto uchoko. 6Nu lulimi luyii mwoto: ndima wa mfilimila wa fiwifu pagati pa fipingili fitu luyii lulimi, ulu lulekelela mbili wa mfilimila wafu, ni lukolesa magendeko ga mapangiko, ni lukolaseka lwene ni gehena. 7Pakuya ntundu uyi woha wa nyama na madege, wa fya kukwawa na fila fiyii mu nyanja, fidimika: 8koma lulimi mundu ayi yoha ahotola lepa kuludima; luyii kiwifu kya kutimbilikana, lumemiti ni sumu yakupinda kufwa. 9Nu lula timpela Bambo nu Dadi kihomo, nu lula tiwalapalakisa wandu, wala wapangiki pa kihwanakiso kyake Mulungu: 10kipitile pa ndomo wuwulawula kupela kihomo ni kulapalakisa. Walongo wangu, findu ifi ngafiyili lepa. 11Wila kisima kichweka pa ndomo umonga fyakunoga na fyakuwawa? 12Wila nkuyu, walongo wangu, uhotola kupambika fipambiko fya mzeituni ati, pangi mpelesa makuyu? haka machi ga mwinyu gahotola lepa kukita gakunoga.
13Nani ayii mwene luhala nu wakuwalalila pa mwenga? alase pa wumi wake unofu makitiko gake pa uwololo wene luhala. 14Koma wona muyii nu wifu wa kuwawa na matumbulano pa mwoyo winu, musihikalila na musijowa fya mageya kupindika fya chakaka. 15Ulu nukuya luhala lwakuselela kuhumila kunani, koma lwa ndima, lwa nyama, lwa madaimon. 16Pakuya pala wifu nu kutumbulana kuyili, bahalapala gayii matimbilikano ni likitiko liyi lyoha lya wafu. 17Koma luhala lwakuhumila kunani luyii pakutumbula luwalafu, ni panyuma pake lwene kindamba, lwakupola mwoyo, lwakupembeseka, lwakumema ni lipyana ni fipambiko finofu, lwangali kukangachila, lwangali kwikangalakisa. 18Leka kipambiko kya ugolofu kipandika pa kindamba na wala wakukita kindamba.
Currently Selected:
Yakobo 3: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
