Yakobo 4
4
1Kuhumila kuliku ngondo ni kuhumila kuliku kutumbulana pagati pa mwenga? si kuhumila kukula kipitile pa fya kwiganisa finu fila fikomana pa fipingili finu? 2Munyonyela, na mupata lepa: mukoma, na muwona wifu, na mulema kupata: mukomana ni kukita ngondo; mupata lepa, ndawa muluwa lepa. 3Muluwa, leka muyupa lepa, ndawa mwiluwila muwifu, nausi muyambanise pa fya kwiganisa finu. 4Mwenga wadala wa ukeme, mumanya lepa ati kukita ukosi wa ndima uyii mitumba yake Mulungu? Mumu ayi yoha uyu alonda kuya nkosi wa ndima iwike mwene kuya wa mitumba wake Mulungu. 5Pangi muhola kukita lilembo lijowa waka? Wila roho yila akayitamisi kuhwela pa tenga yinyonyele wifu? 6Leka apela neema ngulungu. Mumu lilembo lijowa, Mulungu awapindika wa kinywinda, leka awapela wakwiselesa neema. 7Mumu wiwike pasi pa Mulungu; koma mumpindike diabolo, na yakimbile kuwuka pa mwenga. 8Mumwandamile Mulungu, na yawawandamile mwenga. Mukuse mawoko ginu, mwenga wene sambi; na muguyule mioyo yinu, mwenga wa mioyo yiwili. 9Muhumbusike, na mulile, na muhuluse masoli: kuheka kwinu kung’anamuke kuya malilo, ni kuhekelela kwinu kuye manung’uniko. 10Mwiselese pasi pa miho ga Bambo, na yawakwese.
11Musihehana, walongo. Wakumheha ndongo, pangi wakumpaula ndongo, ayiheha torah, ni ayipaula torah: koma wona upaula torah, nukuya wakuyikita torah wenga, leka wakupaula. 12Yumonga ayii wakuyikita torah nu mpausi, yuyu ayii nasyo mbafu kuyokola ni kuyananga: leka wenga uyii wa nani upaula mwenesi wako?
13Tiwuke hino, mwenga wakujowa, Lilino pangi kilau yatigende mwanja mpaka pa likaya linunuyu, na yatitame baho mwaka, na yatihemelese magusi, na yatipate mbendo: koma mumanya lepa kindu kya kilau. 14Kindu wuli kulama kwinu? Lukungugu lula luwoneka kwa lukumbi luchokope, na panyuma pake lulema kuwoneka. 15Mbanga kujowa, Wona Bambo alonda, kulama yatilame, ni kukita iki pangi kila. 16Koma hino muhikalila pa kwilumba kwinu: kwilumba kwoha kwa ntundu uwu kuyii kuwifu. 17Mumu kwa yula amanya kukita finofu, leka alema kufikita, ayii ni sambi.
Currently Selected:
Yakobo 4: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
