Yakobo 2
2
1Walongo wangu, musitama ni kiyitakiso kya Bambo witu Yesu Kristo wa kukwisika, pa kuhagula fyene fya wandu. 2Pakuya mundu wona ayingila pa sunagoge yinu mwene pete ya zahabu, wakufwata fyakutipitala, leka ayingila kawili ngaju nuyombe wakufwata fya luku; 3na muhagula yula afwata fya kutipitala, na mujowa, Utame pasi apa pakuwoneka wicho; ni mujowa kwa ngaju, Wenga uyime kula, pangi tama apa pasi pa kiwikila magulu gangu; 4wila si kwikitila malekano, wila si kwikitila wakupaula wene maholo mawifu? 5Muyufwanile, walongo wangu wakuganika; si Mulungu ahagwili wagaju mu ndima kuya wakafi pa kiyitakiso, na wakuyingila utwa lipwela wula akalagini kwa wala wakungana? 6Koma mwenga mundekalili ngaju lihamu. Si wakafi wawawonesa mwenga ati, na wene wawafuta mpaka pa fyengo fya wakupaula? 7Si walikitila blasfemia lihina lya kuginikika lila liluwuliki pa mwenga? 8Haka wiwi, wona mumalakise torah ya kiutwa, kwa ndingo wa lilembo, Unganaye mwenesi wako ngati wa mwene, mukita wicho: 9koma wona muhagula fyene fya wandu, mukita sambi, ni mupelewa mhalo ni torah ngati wakwipatukila. 10Pakuya ayi yoha uyu yagohe torah ya mfilimila, leka akuwasa pa kimonga, ayii mwene mhalo wa fyoha. 11Pakuya yula akajowiti, Usikita ukeme, akajowiti kawili, Usikoma. Na wona ukita lepa ukeme, koma ukoma, uyii wakwipatukila torah. 12Wiwi mulongele, ni wiwi mukitaye, ngati wandu wakupaulika ni torah ya ukamba. 13Pakuya kupaula kuyii kwangali lipyana kwa yula alemiti kupwelekela lipyana; lipyana lilumba pa kupaula.
14Kiki mbendo, walongo wangu, mundu wona ajowa kukita ayii ni kiyitakiso, koma alemiti kuya na makitiko? wila kiyitakiso kila kihotola kunjokola ati? 15Wona ndongo pangi ndumbu ayii wa ukengele, ni kinsowa kyakulya kya ligono, 16na wona yumonga wa mwenga awajowela, Mubitaye pa kindamba, mupyupalile, mutupile; leka alema kuwapela ngamuliso ya mbili; kiki mbendo? 17Wiwi kiyitakiso, wona kiyilepe ni makitiko, kifwili kyene. 18Ena, mundu yajowe, Wenga uyii ni kiyitakiso, nu nenga niyii ni makitiko: unilase kiyitakiso kyako kyapatwiki na makitiko, na nenga nani yanikulase kiyitakiso kyangu pa makitiko gangu. 19Wenga ukela kukita Mulungu ayii yumonga; ukita wicho; madaimon kawili gakela ni kukita liyunju nyamu‐nyamu. 20Koma ulonda kumanya, wenga mundu wa waka, kukita kiyitakiso kipatwiki ni makitiko kiyii kya waka? 21Wila si Ibrahim dadi witu akagolosiki pa makitiko, apa akandekili mwana mundu Isaak nyambiko panani pa mathbahu? 22Ulole kukita kiyitakiso kikahengili pamonga na makitiko gake, na pa makitiko kiyitakiso kikafwilanasiki; 23ni lilembo likamalakasiki lyakujowa, Leka Ibrahim akankeliti Mulungu, na kukawalangiki kwake kwa ugolofu; na akakemaliki nkosi wa Mulungu. 24Muwona kukita pa makitiko mundu agoloseka, nukuya pa kiyitakiso kyakape. 25Wila si Rahab nuyombe wa fiyaka akagolosiki pa makitiko, ndawa akawakemalisi watenga, na kuwapela mwanja ndila yingi? 26Pakuya umu mbili pakupatukana nu roho uyii kufwa, mumulamula kiyitakiso kipatwiki pa makitiko kiyii kufwa.
Currently Selected:
Yakobo 2: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
