Popular Bible Verses from Yakobo 3

Share

Koma luhala lwakuhumila kunani luyii pakutumbula luwalafu, ni panyuma pake lwene kindamba, lwakupola mwoyo, lwakupembeseka, lwakumema ni lipyana ni fipambiko finofu, lwangali kukangachila, lwangali kwikangalakisa.

Nani ayii mwene luhala nu wakuwalalila pa mwenga? alase pa wumi wake unofu makitiko gake pa uwololo wene luhala.

Leka kipambiko kya ugolofu kipandika pa kindamba na wala wakukita kindamba.

Pakuya pala wifu nu kutumbulana kuyili, bahalapala gayii matimbilikano ni likitiko liyi lyoha lya wafu.

Nu lula timpela Bambo nu Dadi kihomo, nu lula tiwalapalakisa wandu, wala wapangiki pa kihwanakiso kyake Mulungu: kipitile pa ndomo wuwulawula kupela kihomo ni kulapalakisa. Walongo wangu, findu ifi ngafiyili lepa.

Nu lulimi luyii mwoto: ndima wa mfilimila wa fiwifu pagati pa fipingili fitu luyii lulimi, ulu lulekelela mbili wa mfilimila wafu, ni lukolesa magendeko ga mapangiko, ni lukolaseka lwene ni gehena.

koma lulimi mundu ayi yoha ahotola lepa kuludima; luyii kiwifu kya kutimbilikana, lumemiti ni sumu yakupinda kufwa.

Musitama walimu wingi, walongo wangu, pakumanya kukita yatipate lipaulo lya kulutila.