1 Korinti 13
13
Swono na ye tei to
1Amo ná maŋe a wae a ŋɔɔne nabiina taane dwi dwi, de malese sem taane de, ye swono ná tera a tei ne, ko nye de sɔɔ mo a ke, ne ba na mage kwaŋa de konkɔŋɔ pa te ke sɔɔ tei to. 2Amo ná maŋe a jege Wɛ pɛɛre delo na pae se a wae a tɔɔle Wɛ kwora kam to, ye a kwori a yei chega kalo maama na seigi nɔɔna yiga ne to, de yeino maama kuri, ye a ta ná jege wo-dedoa de Wɛ se a taa wae a pae peero zaŋe te kugu jei ne te vei te to mɛ a na lage to, ye swono ná tera a tei ne, a ye kafɛ mo.#Matiyu 17:20 3Amo ná kwei a jejegero maama a maŋe a pa yiniga tiina, ye a ta kwori a sɛ se ba kwei a yera ba de mini ne, ye swono ná tera a tei ne, ko ta maŋe ko ba jege nyɔɔre ko pa-ne.
4Swono tu jege wo-zuru mo ye o nege nɔɔna lanyerane. Swono tu ba jege puseŋa naa fia, ye o ba pae o tete kamunni. 5O maa ba jege boyerem, ye ko dae o tete yerane wonnu mo o laga. O ta kwori o jege ban-peno. Nɔɔno ná ke‑o lwarem, o ba yeini o kwei o ke o wone. 6Swono tu ba jege wopwolo keim-lwanno baŋa ne, o jege wopwolo chega baŋa ne mo. 7Swono tu wae o vɔ o wo de woŋo maama. O maa jege wo-dedoa, de teena, de pu-dɛa wonnu maama baŋa ne.
8Swono ba ti kɔtaa. Wɛ kwora kam tɔɔlem wó ba ko kɛ. Wɛ pɛɛre delo nɔɔna na maa ŋɔɔne ta-gɛ to de wó ba de kweeli. Yeino de wó ba ko kɛ. 9Leile konto, yeino kolo dé na jege to ye chichworo mo. Wɛ kwora kalo dé na tɔɔle to de ye ka chichworo mo. 10Ko daare maŋa kalo Wɛ na wó fɔge wonnu maama pa te suuri to, wo-chichwooru tem maama wó jei mo.
11Amo busɔɔne maŋa ne, a déem ŋɔɔne ne bu mo tei. A boboŋa maa nye de bu boboŋa, ye a jeeli ne bu tei. A nam na ke nɔɔno to, a kwei busɔɔne wonnu tem konto maama a yage. 12Leile konto dé laam na lɔre Wɛ chega kam tei to ta nye de niu mo dé jege dé nii ko wone liira liira. Ko daare maŋa kalo Wɛ na wó fɔge wonnu maama to, dé wó ba dé taa nae jaja mo. Leile konto yeino kolo a na jege to ye chichworo mo. Maŋa kam konto ne, a laam wó ba a taa yei wonnu maama a tia, se ko maŋe de Wɛ na yei amo o ti tei to.
13Ko daare leile konto, wonnu tetɔ mo wó taa wora taa, te ye wo-dedoa, de teena, de swono mo. Kolo nam na dwoi te maama to mo ye swono.
Currently Selected:
1 Korinti 13: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
