Popular Bible Verses from 1 Korinti 13

Share

Swono tu jege wo-zuru mo ye o nege nɔɔna lanyerane. Swono tu ba jege puseŋa naa fia, ye o ba pae o tete kamunni. O maa ba jege boyerem, ye ko dae o tete yerane wonnu mo o laga. O ta kwori o jege ban-peno. Nɔɔno ná ke‑o lwarem, o ba yeini o kwei o ke o wone.

Swono tu wae o vɔ o wo de woŋo maama. O maa jege wo-dedoa, de teena, de pu-dɛa wonnu maama baŋa ne.

Swono tu ba jege wopwolo keim-lwanno baŋa ne, o jege wopwolo chega baŋa ne mo.

Ko daare leile konto, wonnu tetɔ mo wó taa wora taa, te ye wo-dedoa, de teena, de swono mo. Kolo nam na dwoi te maama to mo ye swono.

Swono ba ti kɔtaa. Wɛ kwora kam tɔɔlem wó ba ko kɛ. Wɛ pɛɛre delo nɔɔna na maa ŋɔɔne ta-gɛ to de wó ba de kweeli. Yeino de wó ba ko kɛ.

Amo ná maŋe a wae a ŋɔɔne nabiina taane dwi dwi, de malese sem taane de, ye swono ná tera a tei ne, ko nye de sɔɔ mo a ke, ne ba na mage kwaŋa de konkɔŋɔ pa te ke sɔɔ tei to.

Amo ná maŋe a jege Wɛ pɛɛre delo na pae se a wae a tɔɔle Wɛ kwora kam to, ye a kwori a yei chega kalo maama na seigi nɔɔna yiga ne to, de yeino maama kuri, ye a ta ná jege wo-dedoa de Wɛ se a taa wae a pae peero zaŋe te kugu jei ne te vei te to mɛ a na lage to, ye swono ná tera a tei ne, a ye kafɛ mo.

Amo ná kwei a jejegero maama a maŋe a pa yiniga tiina, ye a ta kwori a sɛ se ba kwei a yera ba de mini ne, ye swono ná tera a tei ne, ko ta maŋe ko ba jege nyɔɔre ko pa-ne.

Amo busɔɔne maŋa ne, a déem ŋɔɔne ne bu mo tei. A boboŋa maa nye de bu boboŋa, ye a jeeli ne bu tei. A nam na ke nɔɔno to, a kwei busɔɔne wonnu tem konto maama a yage.