1 Thessaloniker 5
5
Dit 5. Kapitel.
1Mar van di Tid en Stünd, lew Brödhern! est ek nödig ju tö skriwen.
2For I sallew wet et rogt gud, dat di Herr sin Dai kom skel üs en Tif ön di Nagt.
3For wan ja si skuld: Hat es Fred, hat hed nin Gefår, da skel de Fordârew jam skor aurfål, alliküs di Wark en Wüf, diär üp fålen Fut geid, en ja skel ek diärvan flögt.
4Mar I, lew Brödhern! sen ek ön Junkens, omdat ju di Dai ek üs en Tīf aurfalt.
5I sen altermål Lägtens-Biärner, en Dais-Biärner; wü sen ek van di Nagt, nog van Junkens.
6Sa let üs nü ek slip, üs di üdern, mar let üs wåke en nügtern wis.
7For dânen, diär slip, slip ön Nagtem, en dânen, diär drunken sen, ja sen ön Nagtem drunken.
8Mar wü Dais-Biärner skel nügtern wis, me di Brestwapen van di Glōw öntein, en di Lewde, en me di Helm, di Höp tö di Seligheid.
9For Gott hed üs ek bestemmet tö Törn, mar om di Seligheid tö fon dör üs Herr Jesus Kristus.
10Diär foar üs stürwen es, omdat wü, hat mai wis, dat wü wåke, of slip, tö gelik me höm lewwe skel.
11Diärom formån arküder, en aprogt di jen di üder, üs I jå dö.
12Mar wü bed ju, lew Brödhern! dat I inse, diärfoar ju årbede, en ju voarstun ön di Herr, en ju formåne.
13Agt jam sa vul moar ön Lewde om jar Werks wel, en hoald Fred me jam.
14Mar wü formåne ju, lew Brödhern! wise di Aurdådigen törogt, tröste di Benauten, drai Sörrig foar di Swakken, hå Geduld me Arkjen.
15Se tö, dat er Nemmen Arigs me Arigs forgelt, mar altid strewe eter dit Guds, bid tögen arküder, en tögen alle üdern.
16Wis altid blid.
17Bödige sönder Âphoalden.
18Wis dankbar ön Alles; for dit es Gottes Wel ön Kristus Jesus tö ju.
19Löske di Geist ek üt.
20Foragte di Profeseiing ek.
21Prowe Alles en dit Bäst behoald.
22Formeide altid slim Skin van dit Arigs.
23Mar hi, di Freds Gott, hellige ju dör en dör, en ju Geist hilental, samt di Seel en di Likhäm mut behölden ud ünskildjig tö üp üs Herr Jesus Kristus sin Tökomst.
24Hi, diär ju rǟpt, es tru, en wel-t uk dö.
25Lew Brödhern! bödige foar üs.
26Gröt alle Brodhern me di hellig Tåtj.
27Ik beswår ju bi di Herr, dat döt Bref alle hellig Brödhern voarlesen ud.
28Di Gnad van üs Herr Jesus Kristus wis me ju! Amen.
Currently Selected:
1 Thessaloniker 5: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
