2 Thessaloniker 1
1
Dit 1. Kapitel.
1Paulus en Silvanus, en Timotheus, ön dit Geminte ön Thessalonik, welk es ön Gott, üs Våder, en di Herr Jesus Kristus.
2Gnade wis me ju, en Fred van Gott, üs Vader, en di Herr Jesus Kristus.
3Wü skel Gott altid danke foar ju, lew Brödhern! alliküs-t billig es; for ju Glow wugset dügtig, en Ark sin Lewde van ju al nemt tö tögen arküder.
4Also, dat wü sallew ju rüme ön Gottes Geminten, van ju Geduld en Glow ön al ju Forföllinger en Trängsal, welk I dulde mut.
5Dit es en Bewis, dat Gott rogt rigte wel; en dat I wördig agt ud tö Gottes Rik, hurfoar I uk lid.
6Diäreter est rogt bi Gott, danen Bedrük tö forgelten, diär ju Bedrük foroarsåke.
7En ju, diär Bedrük lid, Ru me üs, wan nü di Herr ipenbar ud van Hemmel, samt di Engeler ön sin Kraft.
8En me Joldflammen Wrög tö iwen aur danen, welk Gott ek kan, en aur dânen, welk dit Evangilje van üs Herr Jesus Kristus ek harke.
9Sokken skel Pin lid, die ewig Fordarew van di Herr sin Ansegt, en van sin herrelk Magt.
10Wan hi kom skel, om dat hi herrelk skintj me sin Helligen en wunderbar me alle Glowigen. For üs Tjügnis diärvan hå I līwt van di sallew Dai of ön.
11Om di wel bödige wü uk altid foar ju, dat üs Gott ju wördig måket tö di Berōp, en dit Welhågin van sin Gudheid vol måket, en dit Werk van di Glow me Kraft.
12Omdat di Nōm van üs Herr Jesus Kristus ön ju priset ud, en I ön höm, eter di Gnad van üs Gott en di Herr Jesus Kristus.
Currently Selected:
2 Thessaloniker 1: NFNT
Highlight
Share
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)