Popular Bible Verses from 1 Thessaloniker 5

Share

Wis altid blid. Bödige sönder Âphoalden. Wis dankbar ön Alles; for dit es Gottes Wel ön Kristus Jesus tö ju.

Mar hi, di Freds Gott, hellige ju dör en dör, en ju Geist hilental, samt di Seel en di Likhäm mut behölden ud ünskildjig tö üp üs Herr Jesus Kristus sin Tökomst. Hi, diär ju rǟpt, es tru, en wel-t uk dö.

Se tö, dat er Nemmen Arigs me Arigs forgelt, mar altid strewe eter dit Guds, bid tögen arküder, en tögen alle üdern.

Diärom formån arküder, en aprogt di jen di üder, üs I jå dö.

Mar wü formåne ju, lew Brödhern! wise di Aurdådigen törogt, tröste di Benauten, drai Sörrig foar di Swakken, hå Geduld me Arkjen.

For Gott hed üs ek bestemmet tö Törn, mar om di Seligheid tö fon dör üs Herr Jesus Kristus.

I sen altermål Lägtens-Biärner, en Dais-Biärner; wü sen ek van di Nagt, nog van Junkens.