1 Thessaloniker 4
4
Dit 4. Kapitel.
1Firder, lew Brödhern! bed wü ju, en formåne ju ön di Herr Jesus, alliküs I van üs tö weten fingen hå, hurdelling I wandele skel, om Gott tö hagin, omdat I altid moar tönem.
2For I wet, watfoar Geboten wü ju iwen ha dör di Herr Jesus.
3For dit es Gottes Wel, ju Helligmaking, dat I formeide di Hureri.
4En Arkjen van ju diärfoar tösjogt, sin Fat tö behoalden ön Helligheid en Iären.
5En ön ünbetämt Begjärelkheid na Wellest, üs di Heiden, welk van Gott nönt wet.
6En dat Nemmen olternai kommen es, nog sin Brödher bedrait ön di Handel; for di Herr es di Wröger aur dit Alles, üs wü ju tövoaren said en betjügt hå.
7For Gott hēd üs ek beröpen tö Ünrinheid, mar tö Helligmåking.
8Diärom, hokken dit foragtet, di foragtet ek Mensken, mar hi foragtet Gott, diär sin hellig Geist iwen hēd ön ju.
9Van di Lewde tö di Brödhern est ek nödig ju tö skriwen, for I sen sallew van Gott lirt, om arküder lew tö håen.
10En dit dö I uk ön alle Brödhern, diär ön hil Macedonien sen. Mar wü formåne ju, dat I jit moar tönem.
11En beflitigt ju, dat I stel sen, en ju ein Werken dö, en årbedt me ju ein Hunden, üs wü ju befälen hå.
12Om dat I iärbårelk wandele bi danen, welk bütten sen, en I nin Ding van jam nödig hå.
13Wü wel, lew Brödhern! ju dit ek forswügge van danen, welk slip, omdat I ek bedrüwwet sen, alliküs di üdern, diär nin Höp hå.
14For wan wü liw, dat Jesus stürwen en âpstönden es, sa wel Gott uk dânen, welk inslöppen sen dör Jesus, wederbring me höm.
15For dit si wü ju, dör dit Urd van di Herr, dat wü, welk lewwe, en aurbliw tö di Herr sin Tökomst, ek voar danen kom, diär inslöppen sen.
16For hisallew, di Herr, wel me en Geskrig en Stem van di Opper-Engel en me di Gottes Basun djälkom van Hemmel; en dânen, diär ön Kristus stürwen sen, skel jest âpstun.
17Diäreter skel wü, diär lewwe en aurblewwen sen, tögelik me jam âpnommen ud ön di Wolken, di Herr öntögen ïn di Logt, en skel also bi di Herr altid wis.
18Sa tröste I nü arküder me dös Urder.
Currently Selected:
1 Thessaloniker 4: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
