1 Korinther 13
13
Dit 13. Kapitel.
1Wan ik me Mensken= en me Engel=Tungen sprok, en hed di Lewde ek, da wiär ik en klingend Metal, of en skallend Skel.
2En wan ik spoai küd, en wust alle Forborgenheiden en al Wetenskep, en hed tö Alles di Glow, sa dat ik Bâriger forsät, en hed di Lewde ek, da wiär ik nönt.
3En wan ik al min Gud ön di Armen jaw, en let min Likhäm bren, mar hed di Lewde ek, da gagent mi dit nönt.
4Di Lewde es saftmudig en gudwellig, di Lewde es ek nidsk, di Lewde drewt ek Legtfardigheid, jü es ek apblögen.
5Jü handelt ek ünskekkelk, jü sjukt ek hör ein, jü let sik ek better make, ju hed nin Grol.
6Jü frügget sik ek aur di Ünrogtfardigheid, mar frügget sik aur di Warheid.
7Jü fordrait Alles, liwt Alles, höpet Alles, duldet Alles.
8Di Lewde forgeid oller; wan uk di Gåw tö profeseien âphjert, en di Spraken aphir, en di Känels âphjert.
9For üs Weten es en litj Part, en üs Spoaien es in litj Part.
10Mar wan dit Volle komt, da mut dit, wat en Dil es, aphir.
11Üs ik en Biären wiär, da sprok ik üs en Biären, en wiär klok üs en Biären, en hed Aurleg üs en Biären, mar diär ik en Man wåd, da leid ik dit Biärenaftige of.
12Wü se nü dör en Speil ön en junk Språk, mar da skel wü se van Ansegt tö Ansegt. Nü kän ik dit stekwis, mar da skel ik dit kän, alliküs ik sallew känt ud.
13Mar nü blewt Glow, Höp en Lewde, di tri, dag di mist van dânen es di Lewde.
Currently Selected:
1 Korinther 13: NFNT
Highlight
Copy
Compare
Share
Want to have your highlights saved across all your devices? Sign up or sign in
Translated by Peter Michael Clemens (1804-1870)
