Popular Bible Verses from 1 Korinther 13

Share

Di Lewde es saftmudig en gudwellig, di Lewde es ek nidsk, di Lewde drewt ek Legtfardigheid, jü es ek apblögen. Jü handelt ek ünskekkelk, jü sjukt ek hör ein, jü let sik ek better make, ju hed nin Grol.

Jü fordrait Alles, liwt Alles, höpet Alles, duldet Alles.

Jü frügget sik ek aur di Ünrogtfardigheid, mar frügget sik aur di Warheid.

Mar nü blewt Glow, Höp en Lewde, di tri, dag di mist van dânen es di Lewde.

Di Lewde forgeid oller; wan uk di Gåw tö profeseien âphjert, en di Spraken aphir, en di Känels âphjert.

Wan ik me Mensken= en me Engel=Tungen sprok, en hed di Lewde ek, da wiär ik en klingend Metal, of en skallend Skel.

En wan ik spoai küd, en wust alle Forborgenheiden en al Wetenskep, en hed tö Alles di Glow, sa dat ik Bâriger forsät, en hed di Lewde ek, da wiär ik nönt.

En wan ik al min Gud ön di Armen jaw, en let min Likhäm bren, mar hed di Lewde ek, da gagent mi dit nönt.

Üs ik en Biären wiär, da sprok ik üs en Biären, en wiär klok üs en Biären, en hed Aurleg üs en Biären, mar diär ik en Man wåd, da leid ik dit Biärenaftige of.