1 Korinther 12
12
Dit 12. Kapitel.
1Van di geistelk Gåwen, lew Brödhem! wel ik ju ek sonder Weten let.
2I wēt, dat I Heiden wessen ha, en henging tö di stum Ofgotten, üs I leitet wåd.
3Diärom måke ik ju bekänt, dat Nemmen Jesus forflökt, diär dör Gottes Geist sprakt. En Nemmen kjen Jesus üs di Herr bekän, sönder dör di hellig Geist.
4Di Gåwen sen forskellig, mar diär es jen Geist.
5Diär sen forskellig Forlinings, mar diär es jen Herr.
6Diär sen forskellig Werken; mar diär es jen Gott, diär Alles ön Allen wirket.
7Ön ark wise sik di Gåwen van di Geist tö Arkjens Gagen.
8Hat ud di Jen dör di Geist iwen, di Wisheid tö liren; di Üder ud-t iwen, van di Känels tö spreken, dör di sallew Geist.
9En Üder di Glow ön disallew Geist, en Üder di Gåw, om sünd tö måkin, ön di-sallew Geist.
10En Üder, om Wunder tö dön, en Üder di Gåw, om wis voarüt tö sien, en Üder, om di Geister tö önderskäden, en Üder forskellig Språken, en Üder di Spraken üttölien.
11Mar al dit wirket disallew jen Geist, en dilet Ark sin tö, üs hi wel.
12Sa üs di Likhäm jen es, da hed di dag vul Leden; mar alle Leden, al hurwel diär vulen sen, sen dag jen Likhäm, alliksa üs Kristus.
13For wü sen, dör jen Geist, al tö jen Likhäm döpet, wü mai Juden of Griken, Knegter of Frien wis, wü hå al tö di jen Geist van di Kelk tö drinken fingen.
14For uk di Likhäm es ek jen Led, mar vulen.
15Wan di Fut said: Ik sen nin Hund, diärom sen ik nin Led van di Likhäm. Es hi diärom ek en Led van di Likhäm?
16En wan dit Oar said: Ik sen nin Oog,#12.16 Verbessert aus Óg'. diärom sen ik nin Led van di Likhäm. Mund hi diärom ek tö di Likhäm hjert?
17Wan di hile Likhäm Oog wiär, hur blewt dit Gehör? Wan di hile Likhäm Gehör wiär, hur blewt di Hârm?
18Mar nü hed Gott di Leden hensät, ark senderlik ön di Likhäm, alliküs hi dit wild.
19Wan nü alle Leden jen Led wiär, hur skuld da di Likhäm wis?
20Mar nü sen diär vul Leden, mar di Likhäm es jen.
21En dit Oog kjen ek tö di Hund si, ik hå di ek nödig, of wederom di Haud tö di Fet: Ik hå junk ek nödig.
22Vul jer sen di Leden van di Likhäm, welk üs tinkt die swaksten tö wisen, — di nödigsten.
23En dânen, welk üs tinkt, di menst iärelk tö wisen, danen dö wü di mist Iär ön; en danen, welk üs ek gud önstun, smükke wü mist.
24For dânen, welk üs gud önstun, hå-t ek nödig; mar Gott hed di Likhäm sa töhop fuget, en di ringst Leden hēd hi di mist Iär töleid.
25Omdat er nin Klodder ön di Likhäm öntstunt, mar di Led lik vul Sörrig foar arküder drai skuld.
26En wan jen Led lad, da lid alle Leden me; en wan jen Led herrelk hölden ud, da frügge sik alle Leden me.
27En I sen di Likhäm van Kristus, en Leden, ark eter sin Wis.
28En Gott hēd ön dit Geminte jest di di Apostel önsät, foart taust di Profeten, foar-t träd di Liarens#12.28 Lies: Liärers, diäreter di Kraft, Wunder tö dön, diärna di Gåw, om sund tö makin, tö helpen, en tö stjüren, manningerlei Språken.
29Sen ja al Apostel? Sen ja al Profeten? Sen ja al Liärers? Mund ja al Wunder dö kjen?
30Hå ja al di Gaw, om sünd tö måkin? Sprek ja al manning Spraken? Mund ja al di Språken ütli kjen?
31Dag strewe I eter di bäst Gawen. En ik wel ju en jit herrelker Wei wise.
Currently Selected:
1 Korinther 12: NFNT
Highlight
Copy
Compare
Share
Want to have your highlights saved across all your devices? Sign up or sign in
Translated by Peter Michael Clemens (1804-1870)
