Nūmela 14
14
Kua Fakatuikehe ia Tagata Ihalaelu kia Mohe
1Kua fakalogo te fakapotopotoga ki te līpoti a nā tāulelea e toka hefulu lua na olo oi tautuku munimuni ia Kanana, oi na faitatagi ai i te pō kātoa. 2Ma na fāitio ai kilātou uma kia Mohe ma Alona, ma lea vē atu, “Na hili ai ānei kimātou na mamate i Aikupito, pe i ho he koga i te toafa! 3Heā te na kaumai ai kimātou e te Aliki ki te fenua tēnei ke tāmate ai kimātou i te pelu?#14.3 Pe taua Ko a mātou āvaga ma a mātou fānau ka tapuke ma kave e vē ni koloa puke o te taua. E hē hili nei kāfai kitātou e toe liliu ki Aikupito?” 4Oi na lea atu ai tētahi tino ki tētahi tino, “E tatau ke filifili ho tātou takitaki kae tātou toe liliu ki Aikupito.”
5Oi na fakapakukū pūnonou ai ia Mohe ma Alona i mua o te fakapotopotoga kātoa o Ihalaelu. 6Ma na hae ai e Iohua te ataliki o Nuno ma Kalepo te ataliki o Iepune, iēia nae i te kāuga na olo oi tautuku munimuni te fenua, nā kofu o kilāua, 7ma lea vēnei atu ki te fakapotopotoga kātoa o Ihalaelu, “Ko te fenua na olo kimātou oi tautuku munimuni, e matuā lelei lava. 8Kāfai te Aliki e fiafia ia te kitātou, ka ia kavea kitātou ki te fenua e tafe ai te huhu ma te meli ma fōki mai mo kitātou. 9#Epe 3.16Oioti lava, kitātou nahe fakatuikehe ki te Aliki; ma nahe mātataku foki i nā tino o te fenua, auā e hēai he mea ke puipuia ai kilātou, ma ko te Aliki e kau fakatahi ma kitātou! Ia koutou la nahe mātataku!”
10Ko te fakapotopotoga kātoa kua hāuni ka fetogi i nā fatu te toka lua tēnei ke mamate. Kae teki lava kua kitea atu e te nuku kātoa o Ihalaelu, te huhulu pupula o te fakatahi mai o te Aliki i te Falekie Tapu.
Kua Tatalo ia Mohe mo Tagata Ihalaelu
11Kua vāgana mai te Aliki kia Mohe, “Heā te mataloa ka inoino mai ai pea iēnei tagata kia te au? Heā te mataloa ka mumuhu ai pea kilātou oi talitonu mai kia te au, e ui lava kua lahi lele nā fakailoga kua kō faia i mua o kilātou? 12Ka kō uga atua he fāmai matakutia ke fakatāugā ai kilātou, kae ko koe, ka kō faia ma tamana o he mālō e hili atu te tokalahi ma te mālohi i lo kilātou.”
13 #
Eho 32.11-14
Ka kua lea atu ia Mohe ki te Aliki, “Na kaumai e koe nā tino iēnei mai Aikupito i tō mālohi hilihili. Kāfai nei e lagona e nā tino Aikupito te mea kua fai e koe ki tagata o koe, 14ka taku nei e kilātou ki nā tino e nonofo i te fenua tēnei. Kua uma te kilātou lagona ko koe, te Aliki e, e mau fakatahi ma tagata o koe; ma ko koe, te Aliki e, e kitea lelei lava kāfai koe e i mua o kilātou i loto o he poutū ao i te ao, ma i he poutū afi i te pō. 15Kāfai e tāmate e koe kilātou uma, ko nā mālō kua kilātou lagona nā fakamatalaga e uiga kia te koe, ka lea vē, 16‘Kua tāmate uma e te Aliki nā tino iēnei i te toafa, ona kua hē ia mafaia oi kaumai kilātou ki te fenua na folafola e ia e fai mo kilātou.’ 17I te taimi nei la, te Aliki e, fakaali mai tō mālohi hilihili, ma fakatino nā mea na folafola mai e koe, i te leaga vē o koe, 18#Eho 20.5-6; Teu 5.9-10; 7.9-10‘Ko te Aliki e telegehe tona tōkahā, kae tumu i te alofa mautū ma te fakamāoni, ma e fakamāgalo e ia nā agahala ma te fakatuikehe o tagata. Kae e hē ia fakahaoa nā tino agahala mai te fakahalaga; e fakahala e ia nā fānau mo nā agahala a o lātou mātua ke pa ki te tolu ma te fa o augā tupulaga.’ 19Ma i te taimi nei, e tuha ai ma te lahi lele o tō alofa mautū, fakamāgalo kō ia agahala a nā tino iēnei, e vē ona fakamāgalo e koe kilātou talu to lātou olokehe mai Aikupito ke pa mai nei.”
20Na tali mai te Aliki, “E fakamāgalo e au e vē ko tau leamai. 21#Epe 3.18Kae e takutino atu e au, e vē ona moni ko au e ola, ma e vē foki ona moni ko te lalolagi kua fakatumulia i toku mamalu, 22e hēai lele he tino o nā tino iēnei ka ola ke pa atu ki te fenua tēnā. Kua kikila kilātou ki te huhulu pupula o toku fakatahi ma kilātou, ma ki nā fakailoga na fakatino e au i Aikupito ma vēnā foki i te toafa, kae kua kilātou tofotofoa pea lava au i nā taimi iēnei e hefulu, ma hē uhitaki mai ki toku leo. 23Ka hē papā lele kilātou ki te fenua na folafola e au ki nā tupuna o kilātou. E hēai lele he tino o kilātou kua teteke mai kia te au ka kikila ki ei. 24#Ioh 14.9-12Kae ona ko Kalepo taku kaukauna e kehe ona lagona, ma e tūmau pea tona fakamāoni kia te au, ka kave ai e au ki te fenua tēia na fano ki ei, ma ko nā lāpuna o ia te ka nonofo ai. 25Kikila, ko nā tino ha-Amalekā ma ha-Kananā e nonofo i nā vanu o Kanana. Ko tāeao la, ko koutou e toe liliu ki te toafa, ma olo āgai ki te Tai Kukula.”#14.25 Pe Tai Mutiavai
Kua Fakahala ia Tagata Ihalaelu ona kua Fakatuikehe
26Oi na vāgana mai ai te Aliki kia Mohe ma Alona, 27“Heā te mataloa ka fāitio mai ai pea tēnei fakapotopotoga āmiokino kia te au? Kua lagona e au ia fāitioga a iēnei tagata Ihalaelu taumuimui. 28Ko te mea ia, lea vē ki ei, ‘E takutino atu e au, e vē ona mautinoa ko au e ola, ka kō faia kia te koutou nā mea na lagona e au e lea ai koutou. 29#Epe 3.17Ko koutou ka feoti, ma ko nā tinooti o koutou ka tātitia i te toafa. Ona ko koutou kua fāitio mai kia te au, e hēai he tino o koutou i luga atu o te lua hefulu tauhaga te matua, ka mafai ke tū ona vae ki luga o te fenua tēnā. 30Na folafola e au ko koutou e nonofo i kinā, kae e hēai he tino e fokotahi o koutou e tū ona vae ki ei, vaganā ai ia Kalepo te ataliki o Iepune ma Iohua te ataliki o Nuno. 31Ko koutou nae popole auā e i na puke nā fānau a koutou ma kave e vē ni koloa o te taua, kae ka kō kavea kilātou ki te fenua na teteke e koutou, ke fai mo kilātou. 32Kae vē la kia te koutou, ko nā tinooti o koutou ka pākukū i te toafa tēnei. 33#Gāl 7.36Ma ko nā fānau a koutou ka kavea ma leoleomāmoe i te vao mo ni tauhaga e fa hefulu, ma ka puapuagā kilātou ona ko te hē fakatuatua o koutou, ke pa lava ki te aho e mate ai te toe tino o koutou. 34Ka pagātia koutou mo nā mea hehē a koutou mo he 40 tauhaga—e fokotahi te tauhaga mo nā aho takitahi nae tautuku munimuni ai e koutou te fenua. 35Ko au, te Aliki, kua vāgana, ma e moni lava ka kō faia te mea tēnei ki te fakapotopotoga āmiokino tēnei kua kau fakatahi ke teteke mai kia te au. I kinei i te toafa, ka mamate uma ai kilātou.’ ”
36Ma ko nā tāulelea iēia na uga e Mohe ke tautuku munimuni te fenua ma na liliu mai ma kaumai he līpoti kino, tēia na māfua ai oi fāitio te fakapotopotoga kia Mohe— 37nā tāulelea na kilātou fakahalalaua te līpoti kino e uiga ki te fenua—na mamate i he fāmai-oti i mua o te Aliki. 38O nā tāulelea e toka hefulu lua iēnei, ko Iohua te ataliki o Nuno ma Kalepo te ataliki o Iepune oioti te na fakahao.
Te Taumafaiga muamua ke Olo ki te Fenua
39I te leaga o Mohe ki nā tino uma lele o Ihalaelu e uiga ki te mea nā vāgana mai ai te Aliki, oi na fakanoanoa lahi lele ai kilātou. 40Na āla vave lele kilātou i te tāeao na hohoko ai, ma na olo ai āgai ki luga ki te fenua maugā ko Kanana ma lea vēia, “I te taimi nei, ko kitātou kua hāuni ke olo ki luga ki te fenua tēia na folafola e te Aliki. E takutino e kitātou, ko kitātou kua agahala.” 41Kae kua lea atu ia Mohe, “Heā la te hē uhitaki ai koutou ki te fakatonuga a te Aliki? E hē taunuku te mea kua fuafua e koutou. 42Koutou nahe olo. Ko te Aliki e hē fakatahi ma koutou, ma ka fakatōkilalo koutou e nā fili o koutou. 43Ka fakafetaui tutū mai koutou i kinā e nā tino ha-Amalekā ma nā tino ha-Kananā; ma e ona ko koutou kua liliu kehe mai te Aliki, ka hē fakatahi ai ia ma koutou, ma ka pākukū ai koutou i te pelu.”#14.43 Pe taua
44Kae na olo lava kilātou ki luga ki te fenua maugā, e ui lava ko te Puha o te Feagaiga a te Aliki ma Mohe, e hēki olokehe mai te api. 45Oi na ōifo ai ki lalo nā tino ha-Amalekā ma nā tino ha-Kananā mai te fenua maugā, kua fakatōkilalo e kilātou nā tino Ihalaelu, ma tuliloa kilātou ke pa lele ki Homaha.
Currently Selected:
Nūmela 14: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
