Popular Bible Verses from Nūmela 14

Share

Oioti lava, kitātou nahe fakatuikehe ki te ALIKI; ma nahe mātataku foki i nā tino o te fenua, auā e hēai he mea ke puipuia ai kilātou, ma ko te ALIKI e kau fakatahi ma kitātou! Ia koutou la nahe mātataku!”

‘Ko te ALIKI e telegehe tona tōkahā, kae tumu i te alofa mautū ma te fakamāoni, ma e fakamāgalo e ia nā agahala ma te fakatuikehe o tagata. Kae e hē ia fakahaoa nā tino agahala mai te fakahalaga; e fakahala e ia nā fānau mo nā agahala a o lātou mātua ke pa ki te tolu ma te fa o augā tupulaga.’

Kāfai te ALIKI e fiafia ia te kitātou, ka ia kavea kitātou ki te fenua e tafe ai te huhu ma te meli ma fōki mai mo kitātou.

Kae ona ko Kalepo taku kaukauna e kehe ona lagona, ma e tūmau pea tona fakamāoni kia te au, ka kave ai e au ki te fenua tēia na fano ki ei, ma ko nā lāpuna o ia te ka nonofo ai.

Ko te mea ia, lea vē ki ei, ‘E takutino atu e au, e vē ona mautinoa ko au e ola, ka kō faia kia te koutou nā mea na lagona e au e lea ai koutou.

Kua vāgana mai te ALIKI kia Mohe, “Heā te mataloa ka inoino mai ai pea iēnei tagata kia te au? Heā te mataloa ka mumuhu ai pea kilātou oi talitonu mai kia te au, e ui lava kua lahi lele nā fakailoga kua kō faia i mua o kilātou?

Ma na fāitio ai kilātou uma kia Mohe ma Alona, ma lea vē atu, “Na hili ai ānei kimātou na mamate i Aikupito, pe i ho he koga i te toafa!

Ma na hae ai e Iohua te ataliki o Nuno ma Kalepo te ataliki o Iepune, iēia nae i te kāuga na olo oi tautuku munimuni te fenua, nā kofu o kilāua, ma lea vēnei atu ki te fakapotopotoga kātoa o Ihalaelu, “Ko te fenua na olo kimātou oi tautuku munimuni, e matuā lelei lava.

Kae e takutino atu e au, e vē ona moni ko au e ola, ma e vē foki ona moni ko te lalolagi kua fakatumulia i toku mamalu, e hēai lele he tino o nā tino iēnei ka ola ke pa atu ki te fenua tēnā. Kua kikila kilātou ki te huhulu pupula o toku fakatahi ma kilātou, ma ki nā fakailoga na fakatino e au i Aikupito ma vēnā foki i te toafa, kae kua kilātou tofotofoa pea lava au i nā taimi iēnei e hefulu, ma hē uhitaki mai ki toku leo. Ka hē papā lele kilātou ki te fenua na folafola e au ki nā tupuna o kilātou. E hēai lele he tino o kilātou kua teteke mai kia te au ka kikila ki ei.