Kenehe 50
50
1Oi na tagi ai ia Iohefa ma punou ifo ki lalo oi fuhi tona tamana, ma hogi ki nā pākōkō. 2Ma na fakatonu ai e ia ana kaukauna fōmai, ke tapena te tino o tona tamana mo te tanuga.#50.2 tapena… tanuga E uku e ni tino fakapitoa te tinooti i he itūkāiga lolo ke nahe vave kāmata oi pala 3E fa hefulu ia aho, te mataloa nae māhani oi tapena ai he tinooti mo te tanuga. E fitu hefulu ia aho, na fai ai nā fakanoanoa ma te kaitagi o Iakopo e nā tino Aikupito.
4I te umaga, oi na lea atu ai ia Iohefa ki nā kaukauna a te tupu, “Fakamolemole fakapa atu te fekau tēnei ki te tupu: 5‘I te taimi kua tāli oti ai toku tamana, na lea mai ai ko au ke tautō ake, e kō kavea ia oi tanu i te tugamau na ia hāunia i te fenua ko Kanana. Ko te mea ia, tuku mai kō au fakamolemole ke fano oi tanu toku tamana, oi kua toe hau ai au.’ ”#Ken 47.29-31
6Ma na tali mai te tupu, “Fano oi tanu tō tamana, e vē ona fakatautō ai koe e ia.”
7Oi na fano ai loa ia Iohefa oi kave tona tamana ke tanu. Na olo fakatahi ma ia nā kaukauna uma a te tupu, nā tino fai tofi maualuluga i te fale o te tupu, vēnā ma nā tino fakaaloalogia uma o Aikupito. 8Na olo ai foki fakatahi ma ia, tona kāiga, ona uho, ma nā kaukāiga o tona tamana. Nā ko tamaiti a kilātou, nā lafumāmoe, nā lafuoti ma nā lafupōvi te na tuku i te fenua ko Kohene, kae na olo uma lele. 9Na olo ai foki ma nā fitafita i nā kaliota ma nā holofanua; he kaifenua e aloā na tokalahi te na olo ki te tanuga.
10I te taunuku atuga o kilātou ki te fola lūhaito i Atata i te itū ki hahae o te Vaitafe ko te Iolitana, na faitatagi lauē ai kilātou i kinā i te loto fakanoanoa lahi mo he taimi mataloa, ma nae takitaki e Iohefa nā faigā fakanoanoa, mo ni aho e fitu. 11I te kiteaga e nā tino Kanana te kāuga tēnei e faitatagi i Atata, oi na lea vē ai, “Kai te tūkehe ātili o te loto fakanoanoa o tagata Aikupito!” Ko te mea ia na fakaigoa ai te koga tēnei kia Apelu Mihilaima,#50.11 Apelu Mihilaima Ko te uiga fakanoanoaga o tagata Aikupito i te itū ki hahae o te Iolitana.
12Oi na fakatāunuku lava e nā ataliki o Iakopo, te fakatonuga a to lātou tamana kia te kilātou; 13na kave e kilātou te tino o to lātou tamana ki Kanana ma tanu i te ana i Makapela, i te itū ki hahae o Mamele, i te fenua na fakatau e Apelaamo mai ia Epelona o te kau ha-Hitē, ke fai ma fenuatanu.#Gāl 7.16 14Kua uma te tanu e Iohefa o tona tamana, oi na toe foki ai loa ki Aikupito ma nā uho o ia, ma kilātou uma na olo fakatahi ma ia ki te tanuga.
Kua Fakamālohi atu ia Iohefa ki Ona Uho
15Kua uma te tanu o to lātou tamana, oi na fakataufai vē ai nā uho o Iohefa, “E vēhea nei pe kāfai ia Iohefa koi ita mai lava kia te kitātou, ma fofou ke toe taui mai te tātou meakino na fai ake kia te ia?” 16Oi na kave ai te lātou faifekau vēnei kia Iohefa: “Ka ko hēki oti to tātou tamana, 17na fakatonu mai e ia kimātou ke lea vē atu kia te koe, ‘Fakamolemole, fakamāgalo kō te hehē o nā uho o koe ma te lātou agahala, auā ko te lātou mea na fai kia te koe, e matuā kino lava.’ Nei la, fakamolemole kō fakamāgalo mai te hehē o nā kaukauna a te Atua o tō tamana.” Na tagi ia Iohefa i te mauaga e ia o te faifekau tēnei.
18Oi na ōmamai foki lava nā uho o ia oi pūnonou atu i ona mua, ma lea vē atu ki ei, “Kikila, ko kimātou iēnei ni pologa e a koe.”
19Kae kua lea atu ia Iohefa kia te kilātou, “Koutou nahe mātataku; ko au e hē ko te Atua, oi e hē kō mafaia oi fakahala koutou. 20Na taupulepule koutou ke koutou faia he mea kino kia te au, kae na fuafua e te Atua ke fai tēnā ma mea lelei, ke kavea ma auala ke ola ai te tokalahi o nā tino koi ola pea lava ke pa mai ki te aho nei. 21Ko te mea la ia, koutou nahe mātataku. Ka kō tauhia koutou ma autou fānau.” Oi na fai ai e ia ni kupu fakamākeke ki nā uho o ia, ma na ōtia uma lele ai o lātou loto.
Ko te Mate o Iohefa
22Oi na nofo ai lava ia Iohefa i Aikupito fakatahi ma te kāiga o tona tamana; ma na kātoa te 110 tauhaga o tona matua, i te taimi na mate ai. 23Na ia kitea te fānau ma nā makopuna o Efalaima; vēnā foki oi kitea ma talia e ia te fānau a Makile te ataliki o Manahe, ki loto o te kāiga. 24Ma na lea vē atu ia Iohefa ki nā uho o ia, “Ko au nei kua tāli oti, kae ko te Atua ka ia tauhia pea koutou, ma takitaki kehea koutou mai te fenua tēnei, ki te fenua na folafola e ia kia Apelaamo, kia Ihaako, ma kia Iakopo.” 25Oi na lea ai ia Iohefa ki te fānau a Ihalaelu ke tautō ake kia te ia. Kua lea vē atu kia te kilātou, “Tautō mai kia te au, kāfai e takitaki koutou e te Atua ki te fenua tēnā, e olo koutou ma kave toku tinooti.”#Eho 13.19; Ioh 24.32; Epe 11.22 26Oi na oti ai ia Iohefa i Aikupito, kua 110 ia tauhaga o tona matua. Na uku e kilātou tona tino i te lolo fakapitoa,#50.26 Kikila ki te 50.2 ma tuku ai ki loto o he puha oti i Aikupito.
Currently Selected:
Kenehe 50: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust
