Ehoto Fakatomuaga
Fakatomuaga
Ko te uiga o te igoa Ehoto ko te “olokehega”, ma e fakatatau ki te mea e hili te tāua, na tupu i te “tala tuku fakaholo” o Ihalaelu, tēia e fakamatala i te tuhi tēnei—ko te olokehega o tagata o Ihalaelu mai Aikupito, te fenua nae fai ai kilātou ma pologa. E fa ia vāega tāua o te tuhi: (1) Ko te fakahaolotoga o nā tino Epelu mai te nofo pologa; (2) Ko te lātou malaga ki te Mauga ko Hinai; (3) Ko te feagaiga a te Atua ma ona tagata Ihalaelu i Hinai, ma na tuku atu ai kia te kilātou nā tūlāfono e fakatatau ki te āmio, ki te olaga lautele, ma nā tūlāfono tau tāpuakiga ke tauhi ki ei; (4) Ko te fauga o he fale tāpuaki mo tagata Ihalaelu ma nā meāfale e tatau ke i loto, vēnā ma nā tūlāfono e fakatatau ki nā ohitāulaga ma te tāpuakiga ki te Atua.
Kae ko te mea e hili te tāua, ko te tuhi tēnei e fakamatala ai nā mea na fai e te Atua, i te fakahaolotoga e ia o ona tagata nae fakapologa, ma kavea kilātou ma mālō e iei tona fakamoemoe mo hona lumanaki.
Ko te tino e fakapatino ki ei te tuhi tēnei ko Mohe, tē na filifili e te Atua ke takitakia ona tagata mai Aikupito. Ko te vāega e hili te lauiloa i te tuhi tēnei ko nā Fakatonuga e Hefulu (20.1-17).
Fakahologa o nā vāega o te Tuhi
Kua fakahaoloto ia Ihalaelu mai Aikupito (1.1—15.21)
a. Fai ma pologa i Aikupito (1.1-22)
e. Te fānau mai o Mohe ma tona olaga koi tamaiti ai (2.1—4.31)
i. Ko Mohe ma Alona ma te tupu o Aikupito (5.1—11.10)
o. Ko te Pāheka ma te olokehega mai Aikupito (12.1—15.21)
Mai te Tai Kukula ki te Mauga ko Hinai (15.22—18.27)
Te Tūlāfono ma te feagaiga (19.1—24.18)
Te Falekie Tapu ma fakahinoga mo te faiga o nā tāpuakiga (25.1—40.38)
Currently Selected:
Ehoto Fakatomuaga: TOKU
Highlight
Copy
Compare
Share
Want to have your highlights saved across all your devices? Sign up or sign in
Bible Society New Zealand Charitable Trust