Popular Bible Verses from Kenehe 50

Share

Na taupulepule koutou ke koutou faia he mea kino kia te au, kae na fuafua e te Atua ke fai tēnā ma mea lelei, ke kavea ma auala ke ola ai te tokalahi o nā tino koi ola pea lava ke pa mai ki te aho nei.

Kae kua lea atu ia Iohefa kia te kilātou, “Koutou nahe mātataku; ko au e hē ko te Atua, oi e hē kō mafaia oi fakahala koutou.

Ko te mea la ia, koutou nahe mātataku. Ka kō tauhia koutou ma autou fānau.” Oi na fai ai e ia ni kupu fakamākeke ki nā uho o ia, ma na ōtia uma lele ai o lātou loto.

na fakatonu mai e ia kimātou ke lea vē atu kia te koe, ‘Fakamolemole, fakamāgalo kō te hehē o nā uho o koe ma te lātou agahala, auā ko te lātou mea na fai kia te koe, e matuā kino lava.’ Nei la, fakamolemole kō fakamāgalo mai te hehē o nā kaukauna a te Atua o tō tamana.” Na tagi ia Iohefa i te mauaga e ia o te faifekau tēnei.

Ma na lea vē atu ia Iohefa ki nā uho o ia, “Ko au nei kua tāli oti, kae ko te Atua ka ia tauhia pea koutou, ma takitaki kehea koutou mai te fenua tēnei, ki te fenua na folafola e ia kia Apelaamo, kia Ihaako, ma kia Iakopo.”

Oi na lea ai ia Iohefa ki te fānau a Ihalaelu ke tautō ake kia te ia. Kua lea vē atu kia te kilātou, “Tautō mai kia te au, kāfai e takitaki koutou e te Atua ki te fenua tēnā, e olo koutou ma kave toku tinooti.”

Oi na oti ai ia Iohefa i Aikupito, kua 110 ia tauhaga o tona matua. Na uku e kilātou tona tino i te lolo fakapitoa, ma tuku ai ki loto o he puha oti i Aikupito.