Kenehe 17

Kua Fōki e te Atua kia Apelamo te Fakailoga o te Feagaiga

1I te kātoaga o te 99 tauhaga o Apelamo, na fakakitea ai te Aliki ki ei ma vāgana vē mai, “Ko au ko te Atua Mālohihilihili.#17.1 Epelu Eli Hatai Uhitaki mai kia te au ma fai e koe te mea e hako i taimi uma. 2Ma ka kō faia taku feagaiga ma koe, ma fōki atu ni lāpuna e tokalahi mo koe.” 3Oi na ifo lele ai ki lalo ia Apelamo; ma na toe vāgana vē mai te Atua ki ei, 4“Kikila, ko tēnei taku feagaiga ma koe: Ko koe ka kavea ma tupuna o ni nuku e lahi. 5#Lom 4.7Ko koe ka hē toe igoa kia Apelamo,#17.5 Ko te uiga o te igoa tēnei tupuna takutakua kae ko koe ka fakaigoa kia Apelaamo,#17.5 Apelaamo Ko te igoa tēnei e tai tutuha ma te fakaleoga o te kupu Epelu mo te tupuna o mālō e lahi auā ka kō faia koe ma tupuna o mālō e lahi. 6Ka fōki atu e au kia te koe ni lāpuna e tokalahi, ko iētahi ka kavea ma tupu. Ko te tokalahi o nā lāpuna o koe ka tutupu mai ai ia te kilātou, ni mālō e lahi.

7 # Luk 1.55 “Ka tauhi pea lava au ki taku feagaiga ma koe ma nā lāpuna o koe i augā tupulaga i mua, ma kavea ma feagaiga e hē gata. Ka kavea au ma Atua o koe, vēnā ma nā lāpuna o koe i augā tupulaga i mua. 8#Gāl 7.5Ka fōki atu e au kia te koe ma nā lāpuna o koe, te fenua e nofo aumau ai nei koe. Ko te fenua kātoa uma o Kanana, ka fai mo nā lāpuna o koe ke pa lava ki te hēgata, ma ko au ka kavea ma o lātou Atua.”

9Kua vāgana atu te Atua kia Apelaamo, “Ko koe foki e tatau ke tauhi ki taku feagaiga, ko koe ma ō lāpuna i augā tupulaga i mua. 10Ko tēnei taku feagaiga i te vā o oku ma koe e tatau ke tauhi koe ki ei ma nā lāpuna o koe, i augā tupulaga i mua. Ko tama tāne uma lele o koutou, e tatau ke pelitome.#Gāl 7.8; Lom 4.11 11-12E kāmata atu nei, e tatau ke pelitome e koe nā pepe tama uma lele kāfai kua kātoa te valu aho te mātutua, e aofia ai ma nā pologa e fānanau i loto o nā kāiga o koutou, ma nā pologa e fakatau mai nā tino kehe. Ko te mea tēnei ka kitea ai, e iei te feagaiga i te vā o koe ma au. 13Ko tama tāne tau toka tahi uma e tatau ke pelitome, pe na fānau i loto o te kāiga pe na fakatau mai i he tupe, ke fai ma fakailoga e kitea ai ko taku feagaiga ma koe, e tūmau ke pa ki te hēgata. 14Ho he tama tāne e hē pelitomea, e hē toe takua ia e āku, auā kua holi e ia taku feagaiga.”

Kua Fakaigoa ia Halai kia Hala

15Oi na vāgana mai ai te Atua kia Apelaamo, “E hē toe fakaigoa e koe tau āvaga kia Halai; e kāmata atu nei ko tona igoa ko Hala.#17.15 Hala Ko te uiga o te igoa tēnei i te gagana Epelu pulinihehe 16Ka kō fakamanuiagia ia ma fōki atu e au hō ataliki mai ia te ia. Ka kō fakamanuiagia ia, ma ka kavea ia ma mātua o ni mālō e lahi; ma e mai nā lāpuna o ia, ka tutū mai ai nā tupu ke pule i tagata.”

17Oi na ifo lele ai ki lalo ia Apelaamo, ma na kata ma vē ifo i tona loto, “E mafai e he tamāloa kua helau tauhaga te matua, ke kavea ma tamana o he tamaiti? E mafai ke faitama ia Hala ka kua iva hefulu ona tauhaga?” 18Oi na lea atu ai ia Apelaamo ki te Atua, “Heā te hē kavea ai ia Ihamaeli ke fai ma oku huli?”

19Kae na tali mai te Atua, “Hēai. Ko tau āvaga ko Hala ka fānau mai e ia hō ataliki ma ka fakaigoa e koe kia Ihaako.#17.19 Ihaako Ko te uiga o te igoa tēnei i te gagana Epelu kua kata Ka tauhi au ki taku feagaiga ma ia vēnā ma ona lāpuna, ke pa ki te hēgata. Ko he feagaiga tēnei e hē gata. 20Kua lagona e au tau fakatagi e uiga kia Ihamaeli; kikila, ka kō fakamanuiagia ia, ma fōki ki ei ni fānau ma ni lāpuna e tokalahi. Ka kavea ia ma tamana o ni aloaliki e toka hefulu lua, ma ko kilātou iēnei ka kavea ma takitaki. Ka kō fakavaea he mālō mālohi mai nā lāpuna o ia. 21Kae ka kō tauhia taku feagaiga ma tō ataliki ko Ihaako, tēia ka fānau mai e Hala i he taimi vēnei i te tauhaga ka aulia.” 22Kua uma te lea atu vēnei o te Atua kia Apelaamo, oi na fano kehe ai.

23I te aho lava tēnā, na fai ai e Apelaamo te mea na fakatonu ai ia e te Atua, ma pelitome tona ataliki ko Ihamaeli fakatahi ma tama tāne uma o tona kaukāiga, vēnā ma nā pologa na fānanau i loto o tona kāiga, ma kilātou na fakatau mai e ia. 24Kua iva hefulu iva ia tauhaga o Apelaamo i te taimi na pelitome ai, 25ka ko tona ataliki ko Ihamaeli na pelitome kua hefulu tolu ona tauhaga. 26Ko te aho lava na pelitome ai ia Apelaamo ma tona ataliki ko Ihamaeli, 27na pelitome ai foki ma nā tama tāne uma o tona kaukāiga, fakatahi ma nā pologa na fānanau i loto o tona kāiga, ma kilātou na fakatau mai e ia.

Currently Selected:

Kenehe 17: TOKU

Highlight

Copy