Kenehe 16
16
Ko Hākā ma Ihamaeli
1Ko Halai te āvaga a Apelamo nae hē manava ola, kae nae iei te pologa fafine a Halai, he Aikupito, ko Hākā te igoa; 2ma kua lea vē atu ia Halai kia Apelamo, “Kikila kua hē fōki maia e te Aliki haku fānau. Heā te hē momoe ai koulua ma taku pologa fafine kae ke maua ai hoku ataliki mai ia te ia.” Na talia e Apelamo te mea kua lea ake ai ia Halai. 3Oi tuku atu ai e Halai ia Hākā tana pologa fafine ke fai ma āvagapō a Apelamo. (Na tupu te mea tēnei kua kātoa te hefulu tauhaga e nofo ai ia Apelamo i Kanana.) 4Ma na momoe ia Apelamo ma Hākā, ma na faitama ai te fafine. I te iloaga e Hākā ko ia kua faitama, oi na fāfia lele ai ma kikila fakatauemu kia Halai.
5Oi na lea vē atu ai ia Halai kia Apelamo, “Ko koe te kua māfua ai te kikila fakatauemu mai o Hākā kia te au.#16.5 Ko koe… te au pe Ke māfatia lava koe i tēnei mea hehē kua fai mai kia te au Na kō tuku atua taku pologa ke momoe koulua, ma na ia iloa loa lava ko ia kua faitama, oi na kāmata ai foki kua fakatauemu mai kia te au. Ke fakamahino e te Aliki pe ko ai o kitāua e hako, pe ko koe pe ko au!”
6Kua tali atu ia Apelamo, “Kikila, ko te pule ki tau pologa fafine e i ō lima lava; fai ki ei ho he mea e fofou koe ki ei.” Oi na kāmata ai oi pule fakahāuā ia Halai ma iku ai oi hola kehe ia Hākā.
7Na fakafetaui e te āgelu a te Aliki ia Hākā i tafa o he vaipuna i te toafa i te auala e fano ki Hula, 8oi fehili vē atu ai ki ei, “Hākā, te pologa a Halai, ko koe e hau mai fea, ma ko fea te fano koe ki ei?”
Na tali atu ia Hākā, “Ko au e hola kehe mai toku matai fafine.”
9Kua lea atu te āgelu a te Aliki, “Toe foki kia Halai ke fai pea koe ma ana pologa.” 10Ma na toe lea vē atu, “Ka kō fōki atua kia te koe ni lāpuna e tokalahi e hē mafai ke faitau. 11Ka fānau mai e koe he tama, ka fakaigoa e koe kia Ihamaeli,#16.11 Ihamaeli Ko te uiga o te igoa i te gagana Epelu E lagona mai e te Atua auā kua lagona e te Aliki au tagi i tō puapuagā. 12Kae ko tau tama ka ola e vē he āhini tāvao; ka teteke atu ia ki hō he tino, ma ka vēnā foki oi teteke atu ho he tino kia te ia. Ka nofo kehe ia mai ona kāiga uma.”
13Oi na taku ai e Hākā te igoa o te Aliki tēia na vāgana ake kia te ia ko “Ele Loi;”#16.13 Ātonu ko te uiga Te Atua e kitea; pe Te Atua e ia kitea auā na lea vē, “Kua kitea moni kō e au te Atua ma ko au koi ola lava?”#16.13 E hē manino te uiga i te Tuhituhiga Epelu 14Ko te mea ia na fakaigoa ai te vaikeli i te vā o Kateha ma Peleta, ko Peele-Lahai-Loi;#16.14 Ko te uiga: te Vaikeli o Tē e ola pea lava ma ia kitea au, ma koi iei lava ke pa mai nei.
15Kua fānau e Hākā he ataliki kia Apelamo, ma na fakaigoa e ia kia Ihamaeli.#Kal 4.22 16Kua 86 ia tauhaga o Apelamo i te taimi tēnā.
Currently Selected:
Kenehe 16: TOKU
Highlight
Share
Copy
Want to have your highlights saved across all your devices? Sign up or sign in
Bible Society New Zealand Charitable Trust
