Popular Bible Verses from Kenehe 17

Share

I te kātoaga o te 99 tauhaga o Apelamo, na fakakitea ai te ALIKI ki ei ma vāgana vē mai, “Ko au ko te Atua Mālohihilihili. Uhitaki mai kia te au ma fai e koe te mea e hako i taimi uma.

Ko koe ka hē toe igoa kia Apelamo, kae ko koe ka fakaigoa kia Apelaamo, auā ka kō faia koe ma tupuna o mālō e lahi.

“Ka tauhi pea lava au ki taku feagaiga ma koe ma nā lāpuna o koe i augā tupulaga i mua, ma kavea ma feagaiga e hē gata. Ka kavea au ma Atua o koe, vēnā ma nā lāpuna o koe i augā tupulaga i mua.

“Kikila, ko tēnei taku feagaiga ma koe: Ko koe ka kavea ma tupuna o ni nuku e lahi.

Kae na tali mai te Atua, “Hēai. Ko tau āvaga ko Hala ka fānau mai e ia hō ataliki ma ka fakaigoa e koe kia Ihaako. Ka tauhi au ki taku feagaiga ma ia vēnā ma ona lāpuna, ke pa ki te hēgata. Ko he feagaiga tēnei e hē gata.

Ka fōki atu e au kia te koe ma nā lāpuna o koe, te fenua e nofo aumau ai nei koe. Ko te fenua kātoa uma o Kanana, ka fai mo nā lāpuna o koe ke pa lava ki te hēgata, ma ko au ka kavea ma o lātou Atua.”

Oi na ifo lele ai ki lalo ia Apelaamo, ma na kata ma vē ifo i tona loto, “E mafai e he tamāloa kua helau tauhaga te matua, ke kavea ma tamana o he tamaiti? E mafai ke faitama ia Hala ka kua iva hefulu ona tauhaga?”

Oi na vāgana mai ai te Atua kia Apelaamo, “E hē toe fakaigoa e koe tau āvaga kia Halai; e kāmata atu nei ko tona igoa ko Hala.

E kāmata atu nei, e tatau ke pelitome e koe nā pepe tama uma lele kāfai kua kātoa te valu aho te mātutua, e aofia ai ma nā pologa e fānanau i loto o nā kāiga o koutou, ma nā pologa e fakatau mai nā tino kehe. Ko te mea tēnei ka kitea ai, e iei te feagaiga i te vā o koe ma au.

Kae ka kō tauhia taku feagaiga ma tō ataliki ko Ihaako, tēia ka fānau mai e Hala i he taimi vēnei i te tauhaga ka aulia.”

E kāmata atu nei, e tatau ke pelitome e koe nā pepe tama uma lele kāfai kua kātoa te valu aho te mātutua, e aofia ai ma nā pologa e fānanau i loto o nā kāiga o koutou, ma nā pologa e fakatau mai nā tino kehe. Ko te mea tēnei ka kitea ai, e iei te feagaiga i te vā o koe ma au. Ko tama tāne tau toka tahi uma e tatau ke pelitome, pe na fānau i loto o te kāiga pe na fakatau mai i he tupe, ke fai ma fakailoga e kitea ai ko taku feagaiga ma koe, e tūmau ke pa ki te hēgata.