রোমীয় 6
6
খ্রীট্না আতু নিংরো আহ্রাং নিংফুচা
1দিঃ পুয়েং ছুগি ঙারো দিঃচা প্রফু লঃ, থাওরা ফোরা ঈ মিত্তা চিকচা অর আম্যা ফ্রফু কিজু ঙারোচা আপ্রই লুক নিংফু লঃ? 2তাখালি য়জং মুহু। আপ্রই লুক নিংরোগা, আপ্রইবামা ঙারো ক্যুয়েং ক্যারো সিইগেফুব্যা; য়জং ছুগি যা পুয়েং প্যাংরো ঙারো অর আপ্রই লেংমা লাঃফুলি? 3চাঃগাচা ফ্রইতি জং, ঙারোমা যাসুরো যীশু খ্রীট্গা নিংরো রিঃঙুক মাঙ্গালাগু লাক খেংগেরি, ঙারোচা য়াংসুউ আসাক ল্হুরিগা নিংরো, য়াংচাগো লাক খেংগেরি মুলঃ? 4অর য়াংচা কিজু থুউ রিঃঙুক মাঙ্গালাগা নিংরো খ্রীট্না আতু আসাক পিইরো ঙারোলি সিইব্যা। যাস্যালি ছুগি ফাখাং থাওরা ফোরা য়াংসুউ মহা গুংধনা যা পুয়েং খ্রীট্গো আঃসিইগা আহ্রাং প্যাংলিরি, য়াং পুয়েং ঙারোলিসোক অসঃ বাওয়ানা হ্রাংনৈঅং।
5খ্রীট্না আতু সিইরো, ঙারো যাখা খ্রীট্না পংলিরি য়াংখা য়াংসুউ যা পুয়েং আসিইগা আহ্রাং ফ্ররো থাঃলিরি, য়াং পুয়েং তেথেং প্যাংরো ঙারো য়াংসুউনা আতু আহ্রাংলি ফ্রইফু। 6ঙারো সিকরিগা, ঙারোমা আপ্রই লুকচা আক্যাংগো ফ্যাকফু কিুজুরা ঙারোমা অহং ‘ঙা’ গো খ্রীট্না আতু থুঃউ খেবলৈব্যা, যা ফুলি ছুগি আপ্রইমা ঙারো ক্যুয়েং ফ্রইরো অর মিনিরাঅং; 7আক্রংগা যাসু সিই লাঃখারি, য়াংসুউ আপ্রই আলাক্কা রুওয়েরি। 8ঙারো যাখা খ্রীট্না আতু সিইগেরি য়াংচা কিজু ঙারো ক্যুংচাগা, য়াংসুউনা আতু ঙারোলি হ্রাংরো হিকফু। 9ঙারো সিকরি খ্রীট্গো আঃসিইগা আহ্রাং প্যাংলিরি কিজু য়াংসুউ অর তাখালি মিসিইব্যা, প্রফু ছুগি য়াংসুউ আঃপমা সিইমাংচা মিহিকব্যা। 10য়াংসুউ যাখা সিইলিইরি, য়াংখা আপ্রই ঙিরি রাঃফুচাগালি সিই লাঃখাব্যা; য়াংসুউবামা অর আপ্রইচা তুখুউলি রাঃফুচা মিহিকব্যা। অর আগু য়াংসুউ হ্রাংরো থাওরা ফোরা কিজু হ্রাংরো হিকরি। 11য়াং পুয়েং তেথেং দিঃ চাঃগা আঃপমা আক্যুং থাঃফুচাগা, খ্রীট্চা যীশুনা পংরি কিজু আপ্রই ফ্রইফু-মফ্রই আলাক্কালি নাংরো রুওয়েকেব্যা, অর আগু থাওরা ফোরা কিজু নাংরোলি হ্রাংরো হিকচা।
12য়জংকিজু নাংরোমা দিঃ আম্রি মিহিক কাইংথা আঃপমা আপ্রইকু আর মাং তাকফু মিপিগিফি। নাংরো পিইরি ছুগিরা, নাংরো কাইংথামা মকং ছেংদা আলৈই নাংরো নিংরাফু। 13কাইংথাগো আপ্রই খ্যাফু কিজু, কাইংথামা তুখুগোলি, আপ্রই আলাকমা তাং মিপিইগি। আসিঃইগা হ্রাং থাঃরি লুঃউ ফ্রইরো, নাংরো থাওরা ফোরা আলাকমা, কুঃরোগু এঃপিইগে অর আকং অলুক লুকফু কিজু, নাংরোমা কাইংথা আলুংগো থাওরা ফোরাগু এঃকে। 14নাংরোগা আপ্রইমা ক্যুয়েং মুহু, আক্রংগা নাংরো থাওরা ফোরা ঈ মিত্তা আতুওয়ংমা হিকরি, থুংজৈং আতুওয়ংমা মুহু।
আকং অলুকমা ক্যুয়েং
15ছুগি থুংজৈং আতুওয়ংমা মিনিংব্রি, মিত্তা আতুওয়ংমা নিংরি কিজু ঙারো আপ্রই লুকফু? তাখালি মুহু। 16নাংরো মিসিকগে লঃ, ক্যুয়েংঞ্যং যাখা নাংরো, অর তয়ক আলাকমা কুঃগো থিগেতি অর য়াংসুউ আঃনাগো কৈংরি, য়াংখা প্রফুছুগি নাংরো আম্হেং য়াংসুউমা আঃঙা ফ্র লাঃরি মুহুকলঃ? য়াং পুয়েং নাংরো আপ্রইমা ক্যুয়েং ফ্রইরো সিইরাফু, মুহুক্কি থাওরা ফোরাবামা ক্যুয়েং ফ্রইরো সাংরি অলুক্কু লুকরাফু। 17য়িগিলি থাওরা ফোরাগো কিজু তাংরি, আক্রংগা তাখা নাংরো আপ্রইমা আক্যুয়েং হিকলিরি, য়িগিলি যা সুয়েংসাং চিক নুনুংনা নাংরোগু পিইলিরি, য়াং সুংয়েংসাংগু নাংরো রুসিইগেতি। 18আপ্রই আলাক্কা রুওয়েরো নাংরো আগু আকং অলুকমা ক্যুয়েং ফ্রইব্যা। 19লুঃউরোমা চিক ঞেরিকিজু, ঙা লুঃউরো যা পুয়েং নালিফিলি য়াং পুয়েং প্রঃপ্রাচা। হ্রিইগা নাংরো অর আম্যা মকং অলুক লুকফু কিজু কুঃ কাইংথাগো মেসেংচাংজনা মকং অলুকমা ক্যুয়েং লুক্কেলিইরি, য়াং পুয়েং তেথেং আগু সেংস্যাংস অলুক লুকরো থাঃফু কিজু নাংরো কেইংথাগো, অকং অলুক কিজু মিম্রি প্যাংগে।
20যাখা নাংরো আপ্রই ঈ ক্যুয়েং হিকলিরি, য়াংখা নাংরো অকং অলুকমা মিম্রি মিহিকলি। 21হ্রিইগা লুকচারোগু য়ুউরো, নাংরো আগু ম্যাকন্হা মাঃরা ফ্রইতিলো, য়াংচারোগু চেংজারো আম্রে হিকরি লঃ? য়াংদেমা আতুংচা সিইরাফু হিকলিরিব্যা। 22ছুগি আগু নাংরো আপ্রইকা রুওয়েরো, থাওরা ফোরাবামা ক্যুয়েং ফ্রইক্কেব্যা। য়জংছুগি আম্রে ফ্রইরিগা, নাংরো সেংস্যাংস চিইদানামা মিম্রি ফ্রইকেতি, অর য়াংদেমা আতুংচা ফ্রইতি, তিম্রিজ বাওয়া। 23আপ্রই যা লাকখা পিইরি, য়াংচা ফ্রইতি সিইমাং, য়িগিলি থাওরা ফোরা ঈ যা হ্লুউরি, য়াংচা ঙারোমা আস্যাং যীশুগা নিংরো তিম্রিজ বাওয়া।
Currently Selected:
রোমীয় 6: BBSRMZ
Highlight
Share
Compare
Copy
Want to have your highlights saved across all your devices? Sign up or sign in
